Pradaviec z Hłybokaha dakazała ŭ sudzie, što nie pradavała piva niepaŭnaletniaj
Pra historyju Volhi Paškovič stała viadoma ŭ kancy sakavika. U adzin ź viečaroŭ jana nibyta pradała piva padletku. 17-hadovuju dziaŭčynu sa śpirtnym u rukach milicyja zatrymała na vychadzie z handlovaha abjekta. Administracyjnaja kamisija, jakaja raźbirała hetuju spravu, pryznała pradaŭca vinavataj i aštrafavała na 4 miljony rubloŭ.
Volhu rašeńnie nie zadavoliła, i jana źviarnułasia ŭ prakuraturu. Tam ŭzvažyli ŭsie za i suprać i padali pratest na pastanovu kamisii ŭ sud.
Na dniach adtul pradaŭcu pryjšoŭ list: «Pastanovu administracyjnaj kamisii Hłybockaha rajvykankama admianić,… spravu nakiravać na razhlad u toj ža orhan».
— Sud źbiantežyła, što ŭ čas, jaki nazvała niepaŭnahadovaja, pa kasie nabyty joj tavar nie prachodziŭ, — kaža Volha Paškovič. - I čypsy, i piva kaštujuć u nas nie stolki, kolki dziaŭčyna, kaža, patraciła.
Siarod nievyraznych momantaŭ i tłumačeńni samoj niepaŭnaletniaj, što tołkam tak i nie zmahła skazać, dzie i jak jaje zatrymali. Niama ŭ spravie i pakazańniaŭ milicyjantaŭ.
— Kali budzie pryznačanaja novaja kamisija, nie viedaju, ale prosta tak ja hetuju spravu nie pakinu. Ja 17 hadoŭ u handli i nivodnaha takoha vypadku, — nie strymlivaje emocyj surazmoŭca. — Pradstaŭniki kamisii ŭžo pryniali ŭ mianie kopii kasavaj stužki i daviedku ab canie tavaru, jakija raniej brać nie chacieli. Spadziajusia, heta prajaśnić situacyju. Horad u nas nievialiki, pra hetuju historyju užo šmat chto viedaje, i ludzi mianie padtrymlivajuć. Asabliva pradaŭcy, jakija kaliści akazvalisia ŭ anałahičnaj situacyi.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra6
Kamientary