Upraŭleńniem Śledčaha kamiteta Respubliki Biełaruś pa Viciebskaj vobłaści rasśledujecca kryminalnaja sprava, raspačataja ŭ dačynieńni da 42-hadovaj žycharki Pastaŭskaha rajona pa č.4 art.209 (machlarstva, ździejśnienaje ŭ asabliva bujnym pamiery).
U chodzie śledstva ŭstanoŭlena, što padazravanaja ciaham 2014 i 2015 hadoŭ prasiła svaich znajomych aformić na ich imia kredyt, a atrymanyja ŭ banku hrošy pieradać joj. Padazravanaja davała paciarpiełym abiacańnie, što samastojna budzie vypłačvać pazyčanyja ŭ banku sumy, zahadzia nie majučy namieru vykonvać uziatyja na siabie abaviazacielstvy, adznačajecca ŭ paviedamleńni Śledčaha kamiteta.
Pra toje, što sumy, uziatyja ŭ kredyt, nie vypłačvajucca pa niekalki miesiacaŭ, paciarpiełyja daviedvalisia z apaviaščeńniaŭ, vysłanych na ich imia bankaŭskimi ŭstanovami.
U ciapierašni čas u materyjałach kryminalnaj spravy zafiksavana 17 epizodaŭ złačynnaj dziejnaści, u orhany papiaredniaha śledstva źviarnułasia 14 paciarpiełych. Ahulnaja suma škody, naniesienaj złačynnymi dziejańniami padazravanaj, składaje bolš za 250 młn rubloŭ.
Sa słoŭ zajaŭnikaŭ, hramadzianie afarmlali na svajo imia kredyty, bo padazravanaja vyklikała ŭ ich vyklučnaje davier, usie paciarpiełyja byli dobra znajomyja z padazravanaj, bolšaść pracavali ź joj na adnym sielskahaspadarčym pradpryjemstvie i žyli ŭ adnym nasielenym punkcie.
Da kožnaha paciarpiełamu padazravanaja znachodziła indyvidualny padychod: adnym raspaviadała, što sama znachodzicca ŭ składanym materyjalnym stanoviščy, inšym kazała, što hrošy ŭ doŭh joj nieabchodnyja dla akazańnia dapamohi dzieciam. Adzinaja akaličnaść, jakoje zastavałasia niaźmiennym pry zaklučeńni ździełki, — kanfidencyjalnaść. Usich znajomych, jakija aformili na svajo imia kredyty dla patreb padazravanaj, apošniaja prasiła nie raspaviadać padrabiaznaści inšym.
Rasśledavańnie kryminalnaj spravy praciahvajecca: śledčyja šukać paciarpiełych, dapytvajuć śviedak, pravodziać vočnyja staŭki i inšyja śledčyja dziejańni, nieabchodnyja dla farmiravańnia dokaznaj bazy.
Śledčy kamitet rekamienduje hramadzianam krytyčna stavicca da prośbach navat dobra znajomych ludziej aformić na svajo imia kredytnyja abaviazacielstvy, a taksama nie hrebavać kansultacyjami śpiecyjalistaŭ u halinie jurysprudencyi pry zaklučeńni ździełak lubych vidaŭ.
Kamientary