Na apłatu štrafaŭ pa «spravie hraficistaŭ» sabrana 32 miljony rubloŭ
Za dva miesiacy akcyi ŭ padtrymku hraficistaŭ praz zbor achviaravańniaŭ i prodaž cišotak z pryntom «Biełaruś maje być biełaruskaj» sabrana 32 miljony rubloŭ. 25 miljonaŭ pajšło na apłatu troch štrafaŭ, a astatnija 7 miljonaŭ mastaki pieradali svajakam źniavolenych pa novaj «spravie fanataŭ».
1 lutaha «Art Siadziby» raspačała kampaniju pa zboru srodkaŭ na apłatu štrafaŭ hraficistam za malunki «Biełaruś maje być biełaruskaj» i «Revalucyja śviadomaści, jana ŭžo idzie». Sud pakaraŭ chłopcaŭ vialikimi štrafami: Vadzima Žaromskaha — u 50 bazavych vieličyń (10 500 000 rubloŭ), Maksima Piakarskaha — u 40 bazavych (8 400 000 rubloŭ) i Viačasłava Kasinierava — u 30 bazavych (6 300 000 rubloŭ).
18 sakavika sud Frunzienskaha rajonu Minska paśla abskardžvańnia pakinuŭ u sile raniejšyja prysudy, a heta značyć, kab paźbiehnuć novych nastupstvaŭ, chłopcy ciaham miesiaca pavinny byli spłacić štrafy.
Hrošy (krychu bolš za 32 miljony) na apłatu štrafaŭ sumiesnymi namahańniami hramadskaść sabrała za niekalki tydniaŭ.
Asnoŭnuju častka srodkaŭ, 12 miljonaŭ, skłaŭ prybytak z prodažu cišotak z pryntom «Biełaruś maje być biełaruskaj», 610 dalaraŭ skłali achviaravańni praz płaciožnuju sistemu «PayPal», kala 400 dalaraŭ hramadzianami achviaravana praz ofis i rachunak «Art Siadziby». Ahułam u zbory srodkaŭ pryniali ŭdzieł 150 čałaviek u Biełarusi i za miažoju.
Hrošy, jakija zastalisia paśla apłaty štrafaŭ, 7 młn rubloŭ, mastaki pieradali dla turemnych pieradač svajakam źniavolenych fanataŭ u miežach novaj skandalnaj spravy, jakich na siońniašni dzień užo zatrymana 3 čałavieki.
Vadzim Žaromski, Maksim Piakarski i Viačasłaŭ Kasinieraŭ vykazvajuć udziačnaść usim, chto padtrymaŭ ich, i dla adkrytaj spravazdačnaści apublikavali rachunki z paćvierdžańniami paznačanych vyšej apłat i vydatkaŭ.
Ciapier čytajuć
Ź Ministerstva kultury zvolnili pieršaha namieśnika Markava3
Kamientary