Lidar łatvijskaha adździaleńnia motakłuba «Načnyja vaŭki» Ihar Łakatoš uniesieny ŭ «čorny śpis» zamiežnych hramadzian, jakim zabaronieny ŭjezd i znachodžańnie na terytoryi krainy.
«MUS paćviardžaje, što Ihar Łakatoš uniesieny ŭ śpis zamiežnikaŭ, jakim zabaronieny ŭjezd u Łatviju i znachodžańnie na terytoryi krainy. Adpaviednaje rašeńnie ministr unutranych spraŭ pryniaŭ na padstavie paviedamleńnia pravaachoŭnych orhanaŭ. Bolš padrabiaznaj infarmacyi na dadzieny momant nie dajecca», — skazała pres-sakratar kiraŭnika MUS Łatvii Dajha Chołma.
Łakatoš źjaŭlajecca hramadzianinam Rasii. Na jaho imia zarehistravana tavarystva Night Wolves MC Latvia, jakoje dziejničaje ŭ krainie z 2002 hoda.
Raniej łatvijskija ŚMI paviedamili pra zatrymańnie Łakatoša. Pavodle dadzienych Delfi, u bližejšy čas jon budzie vysłany z krainy.
Łakatoš byŭ adnym z arhanizataraŭ letašniaha aŭtaprabiehu «Načnych vaŭkoŭ» Maskva — Bierlin, jaki jany prymierkavali da 9 maja. Tady mnohija rasijskija «bajkiery» nie zmahli atrymać jeŭrapiejskija vizy.
29 krasavika «Načnyja vaŭki» źbirajucca pačać jašče adzin aŭtaprabieh «Darohi Pieramohi — na Bierlin», jaki pavinien zaviaršycca 9 maja ŭ stalicy Hiermanii. Jana źbirajucca prajechać praz terytoryju Rasii, Biełarusi, Słavakii, Aŭstryi, Čechii i Hiermanii.
Kamientary