Vosieńniu 2016 hoda płanujecca pieršy aficyjny vizit Alaksandra Łukašenki ŭ Manholiju, paviedamiŭ namieśnik staršyni Pałaty pradstaŭnikoŭ Viktar Huminski 8 krasavika na sustrečy z delehacyjaj Arhanizacyi miru i siabroŭstva Manholii na čale ź jaje prezidentam Dełehijnam Zahdžavam.
«Zaraz idzie padrychtoŭka da vizitu. Dumajecca, što da hetaha času razam z vami zmožam ŭnieści adpaviednyja prapanovy, kab napoŭnić hety vizit praktyčnym źmiestam: padpisańniem pahadnieńniaŭ u śfiery handlova-ekanamičnaha supracoŭnictva», — skazaŭ Huminski.
Adznačym, što, niahledziačy na ŭstanaŭleńnie dypłamatyčnych adnosin pamiž Biełaruśsiu i Manholijaj ŭ 1992 hodzie, da ciapierašniaha času vizity na vyšejšym uzroŭni, a taksama na ŭzroŭni parłamienckich delehacyj pamiž krainami nie ažyćciaŭlalisia.
Kamientary