U subotu 9 krasavika Minsk naviedaje Hanna Maryja Anders — Upaŭnavažanaja pa pytańniach mižnarodnaha dyjałohu Kancylaryi Staršyni Savieta Ministraŭ Respubliki Polšča, paviedamili ŭ pasolstvie Polščy ŭ Minsku.
Jana maje namier abmierkavać ź biełaruskim bokam pytańni aktyvizacyi polska-biełaruskaha histaryčnaha dyjałohu. Vizit stanie praciaham pieramovaŭ pa hetym pytańni, pačatych u sakaviku ŭ Minsku kiraŭnikom polskaha MZS Vitaldam Vaščykoŭskim.
U subotu a 18.15 Hanna Maryja Anders uskładzie kvietki da mahił achviaraŭ stalinskich represij u Kurapatach. A 18.30 płanujecca karotkaja zajava dla ŚMI.
U niadzielu, 10 krasavika, Hanna Maryja Anders vyjedzie ź Minsku ŭ Katyń i Smalensk na ŭračystyja mierapryjemstvy, pryśviečanyja Katynskaj trahiedyi i 6-j hadavinie Smalenskaj katastrofy.
Hanna Maryja Anders naradziłasia ŭ 1950 h. u Łondanie. Jana dačka hienierała Polskaj Armii Uładzisłava Andersa, jaki ŭdzielničaŭ u vieraśnioŭskaj kampanii 1939 h., a raniej kamandavaŭ Navahrudskaj kavaleryjskaj bryhadaj i harnizonam ŭ Baranavičach.
U 1939 h. hienierał Anders byŭ aryštavany, na praciahu 22 miesiacaŭ znachodziŭsia ŭ turmach NKUS ŭ Lvovie i Maskvie. Ad 4 žniŭnia 1941 h. jon staŭ kamandujučym polskim vojskam u SSSR, sfarmiravanym polskim uradam u Łondanie ŭ adpaviednaści z damovaj Sikorskaha-Majskaha. Vojska, jakoje naličvała niekalki dziasiatkaŭ tysiač sałdat, było evakujavana z SSSR praz Kaśpijskaje mora na Blizki Uschod, a paźniej jak 2-hi Polski korpus razam z zachodnimi sajuźnikami ŭdzielničała ŭ bajach suprać hitleraŭskaj Hiermanii ŭ Italii. Najbujniejšym pośpiecham 2-ha Polskaha korpusa stała pieramoha ŭ bitvie pad Monte-Kasina, jakaja złamała «liniju Hustava» i adkryła sajuźnikam šlach na Rym. Paśla Druhoj suśvietnaj vajny hienierał Uładzisłaŭ Anders žyŭ u emihracyi. Pamior u 1970 h. u Łondanie.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra2
Kamientary