Alaksandr Łukašenka zajaviŭ, što hałoŭnaje dla jaho — biaśpieka hramadzian, hramadstva, harantavańnie abaranazdolnaści krainy. Na hetym jon akcentavaŭ uvahu ŭ čas naviedvańnia Naziemnaha kompleksu kiravańnia Nacyjanalnaj sistemy spadarožnikavaj suviazi i viaščańnia ŭ Dziaržynskim rajonie.
Kiraŭnik dziaržavy skazaŭ, što ŭ Biełarusi nadajecca samaja vialikaja ŭvaha pytańniu harantavańnia biaśpieki. Razam z hetym prezident zaŭvažyŭ: jaho chvaluje, što ludzi zanadta zaniepakojenyja pytańniami abaranazdolnaści. Alaksandr Łukašenka padkreśliŭ, što harantavańnie biaśpieki — heta niepasrednaja zadača Hałoŭnakamandujučaha Uzbrojenymi Siłami, jakim pa Kanstytucyi źjaŭlajecca prezident. «Hałoŭnaje dla mianie — biaśpieka našych hramadzian, našaha hramadstva i abaranazdolnaść krainy», — zapeŭniŭ kiraŭnik dziaržavy.
Łukašenka bolš padrabiazna spyniŭsia na temie stvareńnia ajčynnych rakietnych kompleksaŭ. «Rakieta — heta siońnia hałoŭnaja sistema dla abaronazdolnaści. Heta taja zbroja, jakaja prymušaje supiernika dumać, ci varta siudy savać nos, - zajaviŭ Alaksandr Łukašenka. — U hetym płanie nam jość što skazać, i my budziem hetamu nadavać surjoznuju ŭvahu, stvarajučy patrebnyja dla nas i zapatrabavanyja na rynku sistemy ŭzbrajeńnia. Tamu nie chvalujciesia za budučyniu, biaśpieka, abaranazdolnaść našaj krainy. U nas dastatkova śpiecyjalistaŭ, jakija mohuć stvarać sistemy, zdolnyja supraćstajać lubomu supierniku. Svoj kavałak ziamli my zaŭsiody abaronim. my ničoha svajho nie addamo, ale i čužoha nam nie treba».
Ciapier čytajuć
Siarhiej Cichanoŭski pierabraŭsia žyć u Łos-Andželes72
Kamientary