19 krasavika ŭ DK Prafsajuzaŭ hrupa «J:mors» pradstaŭlaje novuju akustyčnuju prahramu «Pieśni dla Džuljety», u miežach jakoj prahučać najlepšyja pieśni z novaha alboma «Pavietra» i minułych rabot hrupy.
Prezientacyja pieršaha paśla piacihadovaha pierapynku alboma «J:mors» z anšłaham adbyłasia ŭ Minsku napiaredadni Dnia zakachanych — hučny drajvavy kancert sa ščylnym elektryčnym hučańniem, jaki naviedali paŭtary tysiačy hledačoŭ. Ale viasna – čas dla bolš atmaśfiernych i zadumiennych hukaŭ dy intanacyj.
«Davoli redka, raz u 2-3 hady, my hrajem vialiki viasnovy akustyčny kancert. Kožny raz heta admysłova padabranaja i adrepietavanaja prahrama, jakaja pakazvaje bolš mieładyčny i harmaničny bok «J:mors». A da taho ž bolš niepradkazalny: my možam lohka syści ŭ džaz ci zajhrać fank», — adznačaje frantmen kamandy Uładzimir Puhač.
Pasłuchać i spampavać novy albom «J:mors» «Pavietra» možna na aficyjnaj staroncy jmors.by.
19 krasavika ŭ DK Prafsajuzaŭ — «J:mors» z prahramaj «Pieśni dla Džuljety. Akustyka». Pačatak ŭ 19.00. Košt kvitkoŭ ad 350 da 550 tysiač rubloŭ. Daviedki pa telefonach 8 029 851 77 06, 8 044 551 77 06.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary