Žančyn Madura paprasiŭ mieniej karystacca fienam.
Prezident Vieniesueły Nikałas Madura abviaściŭ pra płany pieravieści krainu ŭ inšy časavy pojas dziela ekanomii elektraenierhii na fonie niehatyŭnych źmianieńniaŭ klimatu, vyklikanych fienomienam El-Nińjo. Pra heta paviedamlaje Noticias24.
Pa słovach kiraŭnika dziaržavy, jon u najbližejšyja dni rastłumačyć, jak mienavita heta miarkujecca realizavać. «Heta prostaja miera, jakaja daść nam značnuju ekanomiju srodkaŭ», — adznačyŭ jon.
«My žyviom u pieryjad, kali klimat rezka mianiajecca, i my pavinny adaptavacca da źmienaŭ», — dadaŭ prezident.
Raniej Madura skaraciŭ kolkaść rabočych dzion u tydzień ź piaci da čatyroch. U krasaviku i mai piatnicy buduć niepracoŭnymi. Heta stała adnoj ź mier 60-dzionnaha płana, nakiravanaha na baraćbu z zasuchaj.
***
U Vieniesuele, jakaja amal na 70% zaležyć ad hidraelektrastancyj, z-za zasuchi ŭpała vypracoŭka enierhii. Krainie davodzicca ekanomić: handlovym centram zahadana samim vypracoŭvać enierhiju, kinateatry vymušanyja zakryvacca raniej, žančyn Nikałas Madura paprasiŭ mienš karystacca fienam. Akramia taho, u krainie ŭviali dadatkovy vychodny. Piatnica budzie niepracoŭnym dniom da kanca maja.
***
U 2007 hodzie prezident Vieniesueły Uha Čavies uvioŭ u Vieniesuele ŭnikalny čas. Ciapier jon adroźnivajecca ad Hrynvickaha (GMT) na 4:30 u mienšy bok. Takoha času bolš niama nidzie ŭ śviecie, choć i jość krainy, dzie čas adroźnivajecca na niekratnuju hadzinie vieličyniu.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik41
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu77
Kamientary