Biełaruskamu rok-muzykantu Lavonu Volskamu prysuždana premija Freemuse Award 2016, jakuju z 2008 hoda atrymlivajuć ludzi i arhanizacyi, zrabiŭšyja vybitnuju pracu na karyść svabody muzyčnaha vykazvańnia. Muzyka atrymaje ŭznaharodu na cyrymonii ŭ Stakholmie, Šviecyja, u niadzielu 8 traŭnia 2016 hoda.
«Lavon Volski praciahvaje daŭniuju tradycyju muzykaŭ z aktyŭnaj hramadzianskaj pazicyjaj, jakija ŭ svajoj tvorčaści źviartajuć uvahu na istotnyja sacyjalnyja i palityčnyja pytańni. Jany stanoviacca simvałami ruchaŭ za hramadzianskija pravy, vykazvajučy praz svaju muzyku rasčaravańnie i nadzieju», – kaža Ole Rejtoŭ (Ole Reitov), vykanaŭčy dyrektar Freemuse.
Z nahody atrymańnia hetaj naviny Lavon Volski adznačyŭ: «Dla mianie vialiki honar atrymać Freemuse Award u hetym hodzie i ja vielmi ŭdziačny za heta. Muzyka źjaŭlajecca centram majho žyćcia, ź jaje dapamohaj ja raspaviadaju, za što ja lublu Biełaruś, i pra toje, što mianie ŭ joj niepakoić. Bazisam tvorčaści źjaŭlajecca svaboda ŭ najčyściejšaj formie. Biez svabody niama muzyki i niama praŭdy – niama praŭdy ŭ muzycy. Ja liču hety honar uznaharodaj dla ŭsich ludziej, jakija padtrymlivać mianie u Biełarusi, u Jeŭropie i inšych krainach śvietu, i dla ŭsich ludziej, jakija dapamahajuć zachoŭvać svabodu mastackaha vykazvańnia».
Niekalki tydniaŭ tamu z žyćcia pajšła Hanna Volskaja – žonka, menedžer i tvorčaja muza Lavona. Muzyka pryśviačaje svaju ŭznaharodu joj: «Bieź jaje ja b nie mieŭ mahčymaści ŭvieś čas zajmacca muzykaj, asabliva ŭ składanyja momanty».
U sakaviku Lavon Volski praz sajt lavonvolski.com raspačaŭ zbor srodkaŭ na zapis druhoj častki alboma «Hramadaznaŭstva». Paśla śmierci Hanny Volskaj muzyka paćvierdziŭ, što prajekt budzie realizavany. Na siońniašni dzień sabrana 79% nieabchodnaj sumy.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary