U niadzielu la pomnika Janku Kupału ŭ Minsku źbiarecca Biełaruski nacyjanalny kanhres
Mikałaj Statkievič zajaviŭ, što siabram arhkamiteta kanhresa było admoŭlena ŭ pamiaškańni. Pavodle jaho słoŭ, litaralna ŭčora jany abyšli 13 pamiaškańniaŭ u Minsku, i va ŭsich vypadkach kiraŭnictva zajaŭlała, što na bližejšy čas usio zaniata.
«Takim čynam, my majem spravu z palityčnym rašeńniem uładaŭ, nakiravanym na zryŭ kanhresu», — kaža Statkievič.
Ale jon padkreślivaje, što ŭstanoŭčaja siesija kanhresa ŭsio roŭna projdzie.
Statkievič zaklikaje ŭsich prychodzić 15 maja da pomnika Janku Kupału a 12-j hadzinie, kab padtrymać delehataŭ kanhresu, «padtrymać našu baraćbu». Palityk taksama zaklikaje prychodzić jeŭrapiejskich dypłamataŭ, kab jany sami pabačyli, ci jość pazytyŭnyja źmieny ŭ palitycy biełaruskich uładaŭ.
Uładzimir Niaklajeŭ skazaŭ, što ŭstanoŭčaja siesija kanhresu, takim čynam, faktyčna pieratvarajecca ŭ niesankcyjanavanaje mierapryjemstva, i jany razumiejuć, što nastupstvam hetaha moža być administracyjnaja adkaznaść udzielnikaŭ.
Praviadzieńnie kanhresu demsił z metaj kansalidacyi apazicyi inicyjavała 17 śniežnia minułaha hoda hrupa hramadskich dziejačaŭ. Na nastupny dzień Mikałaj Statkievič, Uładzimir Niaklajeŭ i Stanisłaŭ Šuškievič abviaścili pra stvareńnie arhkamiteta pa padrychtoŭcy kanhresa.
Apytanka
Ciapier čytajuć
Staŭ viadomy prysud eks-pamočniku Łukašenki Iharu Bryło2
Kamientary