Bolš za paŭtysiačy čałaviek stali achviarami anamalnaj śpioki ŭ Indyi za apošnija try tydni. Pra heta paviedamiŭ Dziaržaŭny departamient pa likvidacyi nastupstvaŭ stychijnych biedstvaŭ krainy.
Mocnaja śpioka staić na bolšaj častcy terytoryi Indyi. Ad niedachopu pitnoj vady pakutuje nasielnictva ŭ 256 akruhach, dzie pražyvajuć zvyš za 330 młn čałaviek. «Samaje vostraje stanovišča ŭ paŭdniovych štatach Adyšji, Tełanhanie i Andchra-Pradešy, dzie za apošnija dva tydni zahinuli nie mienš za 500 čałaviek», — adznačajecca ŭ zvodcy. U Adyšje nieadnarazova adznačali samyja vysokija pikavyja tempieratury ŭ krainie, jakija dasiahali 48 hradusaŭ pa Celsii.
U Adyšji ad nastupstvaŭ ciepłavoha ŭdaru pamierli 198 čałaviek, u susiedniaj Tełanhanie kolkaść achviaraŭ pieravysiła 260, u Andchra-Pradešy — bolš za 70, pry hetym navukoŭcy papiaredžvajuć ab tym, što ŭ bližejšyja dni pachaładańnia nie pradbačycca.
«Heta leta stanie samym haračym za apošnija 100 hadoŭ, a maksimalnaja tempieratura na poŭdni moža pieravysić 48 hradusaŭ», — ličać u mietearałahičnaj słužbie Indyi.
Letaś achviarami anamalnaj śpiakoty stali zvyš za 2 tysiačy čałaviek. Sioleta, imknučysia praduchilić vialikija čałaviečyja straty, ułady abviaścili ŭ samych haračych rajonach nadzvyčajnaje stanovišča. Nasielnictvu rekamiendujucca nie pakidać damy ŭ razhar śpioki z 11 da 13 hadzin dnia biez vostraj nieabchodnaści. Apieratyŭna razhortvajucca punkty biaspłatnaj vydačy pitnoj vady i małočnaj syrovatki.
Ekśpierty tłumačać biesprecedentnuju śpiakotu ŭ Indyi miascovymi anamalijami, a taksama mocnym upłyvam El-Nińjo. Heta cykličnaja pryrodnaja źjava, jakoje adbyvajecca ź intervałam u 2-7 hadoŭ. El-Nińjo zvyčajna spadarožničajuć ekałahičnyja katastrofy: zasuchi, pažary, liŭnievyja daždžy, jakija vyklikajuć zatapleńnie vielizarnych terytoryj, što pryvodzić da hibieli ludziej i źniščeńnia žyvioły i ŭradžaju ŭ roznych rajonach Ziamli.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie5
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary