Biełaruski narodny bank Hruzii
«Bank Hruzii» nabyŭ 70 % akcyj «Biełaruskaha narodnaha banku». Reštu pakietu pa damoŭlenaści ź biełaruskim bokam «BH» zmoža nabyć ciaham nastupnych troch hadoŭ.
Košt akcyj skłaŭ $34,2 młn, reštu pakietu pa damoŭlenaści ź biełaruskim bokam «BH» zmoža nabyć ciaham nastupnych troch hadoŭ
Pra padpisańnie ŭhody stała viadoma sa słovaŭ staršyni naziralnaj rady «Banka Hruzii» Nika Enukidze, paviedamlaje infarmacyjnaje ahienctva Trend Capital. Pavodle jaho słovaŭ, košt akcyj skłaŭ $34,2 młn, reštu pakietu pa damoŭlenaści ź biełaruskim bokam «BH» zmoža nabyć ciaham nastupnych troch hadoŭ. Pa stanie na 31 śniežnia 2007 h. poŭnyja aktyvy «BNB» składali $48,9 młn, a poŭny kapitał akcyj — $24,6 młn. Na siońnia bank maje 4 filijały, ale, pa słovach N. Enukidze, da kanca hodu ich kolkaść vyraście ŭ čatyry razy. Jon taksama adznačyŭ, što «Biełaruski narodny bank» praciahnie svaju dziejnaść u statusie niezaležnaha banku pad kantrolem «Banka Hruzii». Naziralnuju radu «BNB» maje ŭznačalić Taryeł Hvalija.
AAT «Biełaruski narodny bank» utvorana 26 śniežnia 1991 hodu pa inicyjatyvie Sajuza pradprymalnikaŭ i Sajuza architektaraŭ Biełarusi. Na momant prodažu Radu dyrektaraŭ uznačalvaŭ hieneralny dyrektar «Banka Hruzii» Irakli Hiłaury. Akramia jaho ŭ Radzie, što naličvaje siem čałaviek, uvachodzili try pradstaŭniki «BH», jašče adzin jaho supracoŭnik uvachodziŭ u revizijnuju kamisiju.
AT «Bank Hruzii» — najbujniejšy pryvatny bank Hruzii. Zajmaje 30 % rynku Hruzi pa depazytach i 90 % rynku handlu kaštoŭnymi papierami.
Kamientary