Na staličnym vostravie Kamsamolcaŭ, raźmieščanym pobač z praśpiektam Pieramožcaŭ, 23. červienia adkryjecca maštabnaja ekspazicyja «ART-astravy» z 15 instalacyj, paviedamili arhanizatary mierapryjemstva.
«ART-astravy» stanuć samaj maštabnaj u Biełarusi vystavaj instalacyj pad adkrytym niebam. Šmatmietrovyja prastoravyja abjekty raspracavanyja viadomymi mastakami, jakija źbiaruć ich na miescy z roznych materyjałaŭ — dreva, płastyku, mietału. Vyšynia niekatorych instalacyj budzie bolšaj za piać mietraŭ. Kožnaja praca maje fiłasofski padtekst: prymušaje zadumacca pra sens žyćcia, miesca čałavieka na płaniecie abo ŭpłyŭ hramadstva na asabistuju svabodu. Na ekspazicyi možna budzie ŭbačyć partał dla padarožžaŭ ŭ časie i prastory, hihanckija kokany na drevach, vialiki trochkołavy rovar, alehoryju sučasnaha horada i špakoŭniu dla dumak. Naviedvalnikam prapanujuć pabyć u abdymkach pryrody i adčuć upłyŭ štučnaha śvietu.
Aŭtarami prac stanuć biełaruskija mastaki Dźmitryj Surski, Maksim Piatrul, Kanstancin Sielichanaŭ, Pavieł Vajnicki, Viktar Kopač, Ihar Lavonćjeŭ, Alaksandr Sakałoŭ i Kanstancin Mužaŭ. Svaje pracy taksama prezientujuć Taćciana Homza, Alaksiej Sarokin, Vasil Cimašoŭ, Palina Pirahova, Alona Złatkovič, Viktar Staruchin, Volha Niačaj i Siarhiej Ohanaŭ. U prajekcie voźmie ŭdzieł polski mastak Remihijuš Dulka, jaki pradstavić skulpturu «Horad».
Prajekt zaklikany sadziejničać farmavańniu ŭ Minsku kreatyŭnaha haradskoha asiarodździa i ŭklučeńniu jaho žycharoŭ u praces raźvićcia sučasnaha mastactva. Vostraŭ Kamsamolcaŭ stanie placoŭkaj dla abmienu tvorčymi idejami i miescam sustrečy mastaka i jaho aŭdytoryi. Samyja aryhinalnyja pracy paśla mohuć atrymać pastajannuju prapisku na vulicach horada.
Arhanizataram vystavy «ART-astravy» vystupaje Nacyjanalny centr sučasnych mastactvaŭ, hienieralnym partnioram — Alfa-Bank (Biełaruś). Prajekt ažyćciaŭlajecca pry padtrymcy Ministerstva kultury i Minskaha harvykankama. Ekspazicyja praciahniecca prykładna try miesiacy — až da Dnia horada, jaki ŭ biahučym hodzie ŭ Minsku adznačać 10 vieraśnia.
Vystava pravodzicca ŭ stalicy druhi raz. Letaś na vostravie Kamsamolcaŭ pradstavili 14 vielizarnych skulptur — ad «Žaleznaha chakieista» da «Vaviłonskaj viežy». Na svaje vočy ich pabačyli kala 500 tysiač čałaviek.
Aficyjnaje adkryćcio ekspazicyi adbudziecca 23 červienia ŭ 18.00. Naviedać vystavu možna budzie biaspłatna.
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
-
Zamianiŭ 95% trupy, ale nie zavajavaŭ publiku. Što robić ź biełaruskim baletam eks-premjer rasijskaj Maryinki
-
Restaŭratary adnaŭlajuć znakamity žyrovicki ikanastas. Ale ŭ histaryčnym kolery ŭ manastyry jaho naŭrad ci pabačać
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak35
Kamientary