Pałata pradstaŭnikoŭ 30 červienia pryniała ŭ druhim čytańni papraŭki ŭ Kryminalny kodeks, Kodeks ab administracyjnych pravaparušeńniach i Pracesualna-vykanaŭčy kodeks ab administracyjnych pravaparušeńniach, jakija datyčacca adkaznaści za nievykanańnie techničnych rehłamientaŭ.
Jak paviedamiła člen parłamienckaj kamisii pa zakanadaŭstvie Natalla Hujvik, pry padrychtoŭcy zakonaprajekta da razhladu ŭ druhim čytańni jon byŭ istotna dapracavany. U pryvatnaści, pa prapanovie Savieta ministraŭ u dakumient byli ŭniesieny źmieny ŭ častcy źnižeńnia štrafaŭ za parušeńnie patrabavańniaŭ techničnych rehłamientaŭ Mytnaha sajuza, Jeŭrazijskaha ekanamičnaha sajuza (JEAES).
Jak patłumačyła Hujvik, heta źviazana z tym, što ŭ Biełarusi ŭstanoŭlena adkaznaść za parušeńnie patrabavańniaŭ techničnych rehłamientaŭ MS i JEAES, jakaja ŭ niekalki razoŭ pieravyšaje pamiery štrafaŭ za anałahičnyja pravaparušeńni ŭ inšych dziaržavach — členach Jeŭrazijskaha ekanamičnaha sajuza.
Dakumient praduhledžvaje, što realizacyja pradukcyi biez najaŭnaści siertyfikatu adpaviednaści abo dekłaracyi ab adpaviednaści budzie mieć vynikam nakładańnie štrafu na indyvidualnaha pradprymalnika (IP) da 100% ad koštu realizavanaj pradukcyi, ale nie mienš za 50 bazavych vieličyń. U pieršapačatkovym varyjancie zakonaprajekta byli praduhledžany adpaviednyja štrafy da 200% koštu realizavanaj pradukcyi, ale nie mienš za 200 bazavych vieličyń.
Kali košt pradukcyi ŭstanavić niemahčyma, štraf składzie da 300 bazavych vieličyń dla IP i da 500 bazavych vieličyń — dla jurydyčnych asob. U pieršapačatkovym varyjancie zakonaprajekta — ad 200 da 5 000 bazavych vieličyń.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary