Na pamiežnym pierachodzie žančyna lehła pad aŭtamabil, kab nie dać prajechać parušalniku VIDEA
Kanflikty na miažy byvajuć, časam jany traplajuć u internet, tak vyjšła i hetym razam. Jak viadoma, z 1 lipienia 2016 hoda poŭnaściu zakryty pierachod Damačava, i situacyja imhnienna napaliłasia, bo ŭsie pajechali praz «Varšaŭski most». Časam chtości vielmi śpiašajecca trapić dadomu (u Biełaruś), a niechta staić i čakaje, jak heta i pryniata, svajoj čarhi.
Pamiž dvuma hrupami (zakonapasłuchmianymi hramadzianami i tymi, chto śpiašajecca) uźnikajuć nieparazumieńni. Adna z žančyn vymušana była, ryzykujučy saboj, litaralna lehčy pad koły aŭtamabila na bresckich numarach, jaki praryvaŭsia napierad. Voś jak patłumačyŭ situacyju vidavočca:
— Na Varšaŭskim pierachodzie dziejecca biazładździe, kantrabandysty «cyharetniki» kałonami jeździać pa 2 razy na dzień, dyktujuć svaje praviły, parušajuć i chulihaniać! Ułaziać u čarhu, i za saboj jašče 10 mašyn viaduć, kali zvyčajnyja ludzi čakajuć pa 8 hadzin svajoj čarhi, niahledziačy na toje, što ŭ mašynie jość maleńkija dzieci!
Miarkujučy pa videa, kanflikt razhareŭsia raniej, my bačym tolki jaho finał. U kancy da parušalnika spakoju padychodzić zamiežnik, i robić jamu zaŭvahu. Zdareńnie mieła miesca być na polskim baku, čarha staić z Polščy ŭ Biełaruś.
Darečy, na biełaruskim baku za paradkam naziraje supracoŭnik DAI (fota ŭ pačatku materyjału), na samym pierachodzie heta robiać pamiežniki i mytniki, nu a ŭžo pamiž pierachodami — nichto. Jak paźbiehnuć padobnych situacyj? Napeŭna, tolki salidarnaść usich, chto znachodzicca ŭ čarzie, moža vyrašyć pytańnie. Parušalnika treba zaklikać da paradku, i zrabić heta možna całkam zakonnymi sposabami.
Kamientary