Uładalnica vydańnia «Ukrainskaja praŭda» Alena Prytuła, jakaja była hramadzianskaj žonkaj zahinułaha žurnalista Paŭła Šaramieta, u siabie ŭ fejsbuku raspaviała pra apošniuju razmovu ź im.
Prytuła adznačyła, što ŭ apošni viečar, praviedzieny z Šaramietam, jany abmiarkoŭvali post žurnalista i błohiera z Łuhanska Siarhieja Ivanova ŭ sacyjalnaj sietcy Facebook, jaki źmiaščaŭ abrazy na jaje adras.
«My kazali pra toje, što ŭ niekatorych ludziej jość paklikańnie — prynosić inšym ludziam bol. U toj momant my nie viedali, što jość jašče i inšyja ludzi, jakija ŭžo vynošvali płan jaho zabojstva. Ja śviadoma staŭlu znak roŭnaści pamiž tymi, chto jaho padarvaŭ, i tymi, chto ŭ apošni viečar atruciŭ jaho žyćcio. Tak nielha. Treba spynić hetaje hanieńnie i nianaviść u «Fejsbuku», — napisała Prytuła na svajoj staroncy ŭ Facebook.
Razmova z Šaramietam, sa słoŭ Prytuły, adbyłasia ŭ časie viečarovaha špacyru napiaredadni.
Prytuła taksama padziakavała ŭsim, chto vykazaŭ joj słovy padtrymki ŭ suviazi z hibiellu muža. Pavodle jaje słoŭ, jana nie sumniavajecca, što śledčyja znojduć zabojcaŭ Šaramieta.
Ivanoŭ abvinavaciŭ vydańnie Prytuły, «Ukrainskuju praŭdu», u atrymańni hrošaj ad ukrainskaha multymiljaniera Hryharyšyna.
Viadomy biełaruski žurnalist Pavieł Šaramiet zahinuŭ 20 lipienia ŭ vyniku vybuchu. Vybuchoŭka była padkładzienaja pad siadzieńnie kiroŭcy ŭ aŭtamabil, u jakim jon jechaŭ u Kijevie.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary