U Rasii chočuć pryznać BNF i «Małady front» ekstremisckimi arhanizacyjami za «asablivuju rusafobiju»
Ź niezvyčajnaj inicyjatyvaj vystupiŭ deputat Dziaržaŭnaj Dumy Rasii Vadzim Sałaŭjoŭ ad KPRF. Jon źviarnuŭsia da hienieralnaha prakurora Rasii Juryj Čajki z prapanovaj vyvučyć dziejnaść Partyi BNF, a taksama «Maładoha fronta».
Sałaŭjoŭ adznačyŭ, što «hetyja arhanizacyi vyłučajucca asablivaj rusafobijaj i ŭschvalajuć złačyncaŭ časoŭ Druhoj suśvietnaj vajny». «Padobnych faktaŭ moža chapić, kab pryznać hetyja arhanizacyi ekstremisckimi na terytoryi Rasii», — adznačaje tavaryš Sałaŭjoŭ.
«Mnohija biełaruskija nacyjanalisty ŭžo byli zaŭvažanyja ŭ šerahach sumniŭnych farmiravańniaŭ, jakija viaduć bajavyja dziejańni na Danbasie. Vajujuć, viadoma, za Kijeŭ», — skazaŭ deputat.
Rasijski palityk zaznačaje, što da niadaŭniaha času biełaruskija nacyjanalisty byli «travajednymi», adnak padziei va Ukrainie ich natchnili.
U jakaści aburalnych prykładaŭ Vadzim Sałaŭjoŭ pryvodzić toje, što siabry «MF» vychodzili na Dzień Voli z partretami Michasia Vituški i ksiandza Vincenta Hadleŭskaha.
Zusim niadaŭna deputat Vadzim Sałaŭjoŭ zaklikaŭ całkam zabaranić u Rasii hulniu Pokemon GO, a taksama pałochaŭ desantnikami zborščykaŭ pakiemonaŭ. Jašče hety čałaviek zaklikaŭ pravieryć siamju Žanny Fryskie, na što patracili hrošy dabračyncaŭ. A ZŠA jon abvinavačvaŭ u epidemii hrypu ŭ Rasii.
My paprasili prakamientavać takuju inicyjatyvu kiraŭnika «Maładoha fronta» Źmitra Daškieviča:
«Što tyčycca BNF, to heta vyhladaje vielmi dziŭna, bo ŭ nas niejkaja jadronaja sajuznaja dziaržava z Rasijaj. A BNF aficyjna zarehistravanaja struktura, budzie dziŭna, kali ich pryznajuć ekstremistami.
«Maładomu frontu» ŭ hetym płanie praściej, my nie zarehistravanyja ŭ Biełarusi i nam načchać, što jany prymuć u Rasii.
My ŭdziačnyja deputatu za infarmacyjnuju i pijar padtrymku. Paśla taho, jak u Rasii ŭziali ŭ pałon Džona Silviera, stała zrazumieła, što ludziam, jakija vystupajuć za cełasnaść ukrainskaj dziaržavy, suprać ruskaha šavinizmu, prosta nielha jeździć u Rasiju».
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak40
Kamientary