Kastryčnickim (Minska) rajonnym adździełam Śledčaha kamiteta ŭ dačynieńni da minčanki 1960 hoda naradžeńnia raspačataja kryminalnaja sprava pa č. 1 art. 366 KK (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki).
Jak paviedamlaje Dziaržaŭny pamiežny kamitet Biełarusi, 11 lipienia žančyna prachodziła pašpartny kantrol u nacyjanalnym aeraporcie Minsk. Jana źbirałasia vylecieć va Ukrainu rejsam «Minsk — Kijeŭ».
U chodzie pravierki hramadzianka pradjaviła niesapraŭdny dakumient. Paśla zaklučeńnia šlubu ŭ listapadzie 2015 hoda jana da hetaha času nie pamianiała pašpart, choć abaviazanaja była heta zrabić u 30-dzionny termin.
Pačuŭšy, što zapłanavanuju pajezdku joj daviadziecca admianić, žančyna vyrašyła spahnać svaju złość u litaralnym sensie na supracoŭniku pamiežnaj słužby. Pry afarmleńni dakumientaŭ pa kanfiskacyi pašparta biełaruska kinuła nizku klučoŭ u tvar pamiežniku. U vyniku aficeru byli pryčynienyja lohkija cialesnyja paškodžańni.
Žančynie pahražaje pakarańnie ŭ vyhladzie štrafu, papraŭčych rabot, aryštu, abmiežavańnia voli na termin da piaci hadoŭ albo pazbaŭleńnia voli na toj ža termin.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary