Siońnia pačynajecca rehistracyja kandydataŭ u deputaty

Rehistracyja pravodzicca akruhovymi vybarčymi kamisijami, jakija razhladajuć padadzienyja patencyjalnymi kandydatami dakumienty z ulikam šeraha kryteryjaŭ. Tak, u rehistracyi budzie admoŭlena pry najaŭnaści sudzimaści ŭ asoby, jakaja vyłučana kandydatam, i niepradstaŭleńnia adnaho abo niekalkich nieabchodnych dakumientaŭ. Admoviać u rehistracyi, kali ŭ padpisnych listach pa vyłučeńni kandydata ŭ deputaty budzie bolš jak 15 pracentaŭ niedakładnych podpisaŭ vybarščykaŭ (ad ahulnaj kolkaści pravieranych). Paśviedčańnie kandydata taksama nie vydaduć u vypadku, kali adkryjucca fakty vykarystańnia ŭ intaresach vybrańnia hrašovych srodkaŭ abo inšaj materyjalnaj dapamohi zamiežnych dziaržaŭ i ahanizacyj, zamiežnych hramadzian i asob biez hramadzianstva, mižnarodnych arhanizacyj i h.d.

Akruhovaja kamisija maje prava admović u rehistracyi pry pradstaŭleńni ŭ dekłaracyi ab dachodach i majomaści asoby, vyłučanaj kandydatam u deputaty, nie adpaviednych sapraŭdnaści źviestak, jakija majuć istotny charaktar. U pryvatnaści, majecca na ŭvazie dekłaravańnie ŭ mienšym pamiery ahulnaj sumy hadavoha dachodu, kali nieadpaviednaść składaje bolš jak 20 pracentaŭ ahulnaj sumy hadavoha dachodu. Parušeńniem ličycca adsutnaść źviestak ab prynaležnaj na pravie ŭłasnaści nieruchomaj majomaści i transpartnym srodku, adsutnaść źviestak ab akcyjach i ab doli (nie paćvierdžanaj akcyjami) u statutnym fondzie jurydyčnaj asoby, za vyklučeńniem jurydyčnych asob, jakija na datu pradstaŭleńnia dekłaracyi znachodzilisia ŭ pracesie likvidacyi.

Akramia taho, parušeńniem źjaŭlajecca vykarystańnie pieravah słužbovaha stanovišča ŭ intaresach vybrańnia (naprykład, heta moža być pryciahnieńnie asob, jakija znachodziacca ŭ padparadkavańni abo inšaj słužbovaj zaležnaści, dla ažyćciaŭleńnia ŭ rabočy čas dziejnaści, što sadziejničaje vyłučeńniu kandydata ŭ deputaty, abo ž praviadzieńnie zboru podpisaŭ vybarščykaŭ u chodzie słužbovych kamandzirovak).

U rehistracyi moža być admoŭlena, kali buduć vyjaŭleny fakty ŭznaharodžańnia vybarščykaŭ za ŭniasieńnie podpisu, udziełu administracyi arhanizacyi ŭ zbory podpisaŭ vybarščykaŭ abo ž prymušeńnia ŭ pracesie zboru podpisaŭ.

Rašeńnie akruhovaj kamisii ab admovie ŭ rehistracyi z paznačeńniem pryčyn vydajecca nie paźniej čym na nastupny dzień paśla pryniaćcia rašeńnia. Jano moža być abskardžana ŭ adpaviednuju abłasnuju, Minskuju haradskuju vybarčuju kamisiju ŭ trochdzionny termin z dnia pryniaćcia rašeńnia. Rašeńnie abłasnoj, Minskaj haradskoj vybarčaj kamisii ŭ toj ža termin moža być abskardžana ŭ abłasny, Minski haradski sud.

Sud razhladaje skarhu ŭ trochdzionny termin, jaho rašeńnie źjaŭlajecca kančatkovym.

Paśla rehistracyi kandydaty pačnuć viadzieńnie pieradvybarnaj ahitacyi, hety pieryjad pradaŭžajecca niepasredna da vybaraŭ. Adnak ahitacyja ŭ dzień vybaraŭ (u vypadku z parłamienckimi vybarami ŭ Biełarusi heta 11 vieraśnia) zabaroniena.

• 0
• 0
• 0
• 0
• 0
• 0
• 0
• 0