Vośmuju knihu pra Hary Potera brytanskaja piśmieńnica Džaan Roŭlinh nazvała apošniaj u cykle tvoraŭ pra chłopčyka-čaraŭnika.
Novaja kniha napisana ŭ niazvykłym dla tematyčnaj epapiei farmacie — u vyhladzie pjesy, jakaja nazyvajecca «Hary Poter i praklataje dzicia».
Kniha vyjšła ŭ śviet 31 lipienia. Roŭlinh takim čynam zrabiła sabie svojeasablivy padarunak na dzień naradžeńnia: 31 lipienia joj spoŭniŭsia 51 hod.
«Hary Potera čakaje vialikaje padarožža ŭ hetych dźviuch častkach pjesy, i mnie zdajecca, što na hetym my skončym. Vy viedajecie, hetaja historyja (novaja kniha) užo pra novaje pakaleńnie hierojaŭ. Tak, ja vielmi rada ŭbačyć, jak pryhoža heta realizavana, ale z Hary ciapier sapraŭdy skončana», — zajaviła Roŭlinh na łondanskaj premjery teatralnaj pastanoŭki hetaj pjesy.
U novaj knizie hałoŭnym hierojem stanovicca syn 36-hadovaha Hary Potera — Albus Sievierus Poter, jon i źjaŭlajecca praklatym dziciem, vymušanym adkazvać za niezvyčajnyja zdolnaści baćki.
U vieraśni pjesa vyjdzie na ruskaj movie. Na biełaruskuju, na žal, «Hary Poter» tak apieratyŭna nie pierakładajecca i aficyjnych pierakładaŭ naohuł niama.
Studyja Warner Bros ŭžo paviedamiła ab płanach ekranizavać zaklučnuju častku sahi.
Nahadajem, raniej Džaan Roŭlinh ŭžo abiacała nie pisać pra Potera.
-
«Dom, u jakim…» Maryjam Pietrasian — raskazvajem pra kultavuju dla pakaleńnia 2010‑ch knihu-biestsieler, jakuju pierakłali na biełaruskuju movu
-
Abvieščany doŭhi śpis naminantaŭ na premiju imia Ježy Hiedrojcia za najlepšuju biełaruskuju knihu 2025 hoda
-
Dom siamji Uładzimira Karatkieviča staić zaniadbany VIDEA
Kamientary