Mužčyna, jaki pačaŭ bić vokny padčas Płoščy-2010, zatrymany za «masavyja biesparadki» i trymaje haładoŭku ŭ SIZA
U pravaabaroncaŭ-viasnoŭcaŭ źjaviłasia infarmacyja ab tym, što ŭ SIZA №1 na Vaładarcy pad vartaj znachodzicca žychar pasiołka Rudziensk Uładzimir Kondruś.
Niezaležnyja žurnalisty apaznali jaho na fotazdymkach z akcyi Dzień Voli ŭ Minsku 25 sakavika 2016 hoda i supastavili z fota, na jakich jon vyhladaje aktyŭnym ŭdzielnikam padziej Płoščy-2010. U ŚMI taksama vykazvałasia mierkavańnie ab tym, što jon moh vykonvać rolu pravakatara.
Pravaabaroncam taksama stała viadoma, što Uładzimira Kondrusia, 1977 hoda naradžeńnia, ŭziali pad vartu 14 červienia ŭ miežach papiaredniaha rasśledavańnia za jahony mierkavany ŭdzieł u Płoščy-2010. Ciapier u SIZA jon trymaje doŭhaterminovuju haładoŭku ŭ znak pratestu suprać źniavoleńnia. Pa hetaj pryčynie stan jaho zdaroŭja pahoršyŭsia, u suviazi z čym Kondruś pieraviedzieny ŭ sančastku SIZA.
Pa spravie Płoščy-2010 było asudžana 49 čałaviek, mnohija z pazbaŭleńniem voli na roznyja terminy. Usie asudžanyja pa padziejach Płoščy-2010 paźniej byli zatym amnistavanyja albo pamiłavanyja i vyzvalenyja ź miescaŭ pazbaŭleńnia voli. Na siońnia zastajecca tolki adzin fihurant spravy ab masavych biesparadkach 19 śniežnia. Heta były kandydat u prezidenty Aleś Michalevič, sprava jakoha na hety momant prypynienaja.
* * *
Čytajcie taksama:
Pravakatar, jaki pačaŭ bićcio akon Doma ŭrada ŭ 2010-m, prysutničaŭ na Dni Voli — 2016 FOTY
Kamientary