Vybarčyja rachunki ŭ «Biełarusbanku», pavodle źviestak na 15 žniŭnia, adkryli 268 kandydataŭ u deputaty. Infarmacyja pra heta raźmieščanaja na sajcie banka.
Siarod tych, chto źbiraje achviaravańni na svaju vybarčuju kampaniju, dziejnyja deputaty Dźmitryj Šaŭcoŭ, Alena Astapiuk, Ludmiła Kurbakova, Aksana Niachajčyk, Valeryj Baradzienia, Uładzisłaŭ Ščepaŭ, Valeryj Hajdukievič, Volha Palityka, Vadzim Dzieviatoŭski, Valancin Miłašeŭski i inšyja parłamientaryi.
Rachunki taksama adkryli śpiavačka Iryna Darafiejeva, pieršy namieśnik staršyni ruchu «Za Svabodu» Juraś Hubarevič, pieršy namieśnik staršyni Libieralna-demakratyčnaj partyi Aleh Hajdukievič i namieśnik staršyni ŁDP Jaŭhien Kryžanoŭski, staršynia Tavarystva biełaruskaj movy imia Franciška Skaryny Aleh Trusaŭ i jaho namieśnik Alena Anisim, namieśnik ministra sielskaj haspadarki i charčavańnia Ludmiła Niževič, pasoł Biełarusi ŭ Aŭstryi Valeryj Varaniecki, lidary kampanii «Havary praŭdu» Andrej Dźmitryjeŭ i Taćciana Karatkievič, staršynia Biełaruskaj patryjatyčnaj partyi Mikałaj Ułachovič, eks-kandydat u prezidenty Viktar Ciareščanka i inš.
Zhodna z pałažeńniem Centrvybarkama, krynicami farmavańnia vybarčaha fondu kandydata mohuć być ułasnyja hrašovyja srodki kandydata, pamier jakich nie moža pieravyšać 1.000 bazavych vieličyń (21 tys. novych rubloŭ), a taksama dobraachvotnyja achviaravańni hramadzian Biełarusi i jurydyčnych asob. Pamier achviaravańnia hramadzianina nie moža pieravyšać piaci bazavych vieličyń (105 rubloŭ), jurydyčnaj asoby — 10 bazavych (210).
Pry pieraličeńni srodkaŭ u fondy kandydataŭ jość šerah abmiežavańniaŭ. Zabaronienaja dapamoha ad zamiežnych hramadzian, zamiežnych i mižnarodnych arhanizacyj, a taksama arhanizacyj, jakija atrymlivali na praciahu hoda zamiežnuju biazvypłatnuju dapamohu, dziaržaŭnych i biudžetnych arhanizacyj, dabračynnych i relihijnych arhanizacyj. Achviaravańni ad hramadzian nie mohuć być ananimnymi i nie prymajucca ad asob, jakija nie dasiahnuli 18 hadoŭ.
Asnoŭnuju ahitacyjnuju pradukcyju kandydaty mohuć vyrabić za košt srodkaŭ, jakija pastupili na ich rachunki.
Parłamienckija vybary projduć 11 vieraśnia.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary