Biełarusy prosiać uklučyć u hulniu «Kazaki-3» nacyju lićvinaŭ, raspracoŭščyki hatovyja da dyjałohu
Biełaruskija hiejmiery źviarnulisia da kampanii GSG Game World z prośbaj dadać u hulniu «Kazaki-3» nacyju lićvinaŭ. «Udziačnyja raspracoŭnikam za stvareńnie remiejku kłasičnaj stratehii pra historyju Jeŭropy XVII—XVIII stahodździaŭ», — pačynajuć svajo pasłańnie aŭtary pietycyi, raźmieščanaj na sajcie change.org.
«Pierakanaŭča prosim kampaniju GSC Game World uklučyć hulniavuju nacyju lićvinaŭ, što paspryjaje histaryčnaj paŭnacie i bolšaj papularnaści hulni, jakaja vychodzić ŭ Biełarusi, Litvie i inšych krainach», — havorycca ŭ paviedamleńni.
Onliner.by źviazaŭsia z GSG Game World, i PR-mieniedžar kampanii Alaksiej Darašenka rastłumačyŭ nam, što ŭ reliznaj viersii novych «Kazakoŭ» takoj nacyi nie budzie. «Blizkaść reliznaj daty — 20 vieraśnia biahučaha hoda — nie dazvolić jaje ŭklučyć. Adnak fanaty hulni mohuć raspracavać hiejmpłejnyj prajekt nacyi VKŁ i dasłać nam na razhlad», — dadaŭ Alaksiej.
Jon adznačyŭ, što «Kazaki-3» buduć biesprecedentna adkrytaj dla modabudavańnia hulnioj i daśviedčanyja karystalniki atrymajuć nieabchodny instrumientar dla stvareńnia nacyi i kampanii dla jaje. Pradstaŭnik GSG Game World nazvaŭ pachvalnaj inicyjatyvu biełaruskich hiejmieraŭ.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?75
Kamientary