Kiraŭniki tureckaj telekamunikacyjnaj kampanii Turkcell abmiarkujuć 16 žniŭnia ŭ Minsku z pamočnikam prezidenta Biełarusi Usievaładam Jančeŭskim vizit prezidenta Turcyi Redžepa Taipa Erdahana, paviedamiŭ siońnia na sustrečy z žurnalistami hienieralny dyrektar Turkcell Kaan Terziału.
«U paradku dnia, viadoma ž, pytańni vizitu ŭ Biełaruś prezidenta Turcyi Erdahana. A taksama abmien vopytam rehulatarnaha asiarodździa ŭ śfiery telekamunikacyj», — skazaŭ hiendyrektar Turkcell.
Razam z tym asnoŭnaj temaj, pavodle jaho słoŭ, budzie «cyfravizacyja Biełarusi i Turcyi». «Heta ŭ tym liku tyčycca infarmatyzacyi pasłuh, jakija akazvajucca dziaržavaj, u halinie achovy zdaroŭja, adukacyi i dziaržpasłuh», — udakładniŭ Kaan Terziału.
Jon skazaŭ, što na minułym tydni ŭ Ankary adbyłasia «vielmi plonnaja i efiektyŭnaja» sustreča Jančeŭskaha z hałoŭnym savietnikam Erdahana pa ekanamičnych pytańniach.
«My raźličvajem, što da vizitu našaha prezidenta ŭ Biełaruś my sumiesna ź biełaruskim bokam zmožam padrychtavać šerah maštabnych prajektaŭ, vartych dla razhladu na ŭzroŭni kiraŭnikoŭ dźviuch dziaržaŭ», — padkreśliŭ hienieralny dyrektar Turkcell.
Mižnarodnaja hrupa kampanij Turkcell z 29 lipienia 2008 hoda źjaŭlajecca adnym z suzasnavalnikaŭ (80%) u minułym całkam dziaržaŭnaha ZAT «Biełaruskaja sietka telekamunikacyj» (mabilny apieratar life:)), zarehistravanaha 5 listapada 2004 hoda. Kolkaść aktyŭnych abanientaŭ life:) vyrasła za 2015 hod na 10,4% i dasiahnuła 1 młn. 138 tys.
Zapłanavany na kaniec lipienia vizit prezidenta Turcyi Redžepa Taipa Erdahana ŭ Biełaruś pieraniesieny na niapeŭny termin, paviedamiła raniej pres-sakratar kiraŭnika biełaruskaj dziaržavy Natalla Ejsmant. Čakałasia, što Erdahan naviedaje Minsk i voźmie ŭdzieł u cyrymonii adkryćcia Sabornaj miačeci.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary