Padčas debataŭ kandydat ad ŁDPB zajaviŭ, što Bandera stralaŭ biełahvardziejskich aficeraŭ, ale zabyŭ nazvu svajoj partyi
U efiry «Biełaruś-3» byli pakazanyja debaty pa Kupałaŭskaj akruzie №95. U ich udzielničali pradstaŭnik BNF Aleś Taŭstyka, namieśnica dyrektara «Kamunarki» Taćciana Sajhanava (partyja Ułachoviča), namieśnik dyrektara škoły Vadzim Panasievič, a taksama biznesmien Uładzimir Ładućka ad ŁDPB. Namieśnik dyrektara «Minsktransa» kamunist Rusłan Furs na debaty nie pryjšoŭ.
Adznačym, što pavodle dadzienych CVK i słovaŭ viadučaha, tolki Taŭstyka sabraŭ hałasy ŭ svaju padtrymku.
U realnaści ž — i Taŭstyka, i Sajhanava
* * *
Debaty pačalisia z taho, što Uładzimir Ładućka zabyŭsia, jakuju partyju pradstaŭlaje. «Libieralna… Libieralna-patryjatyčnaja!» — prapanavaŭ svoj varyjant jon. Nahadajem, što nasamreč partyja Hajdukieviča nazyvajecca Libieralna-demakratyčnaja.
* * *
Ładućka aburyŭsia dziejnaściu partała Tut.by, jaki nazvaŭ Sajhanavu najvierahodnym pieramožcam vybaraŭ. U prahnozie «NN» jana taksama ŭkazanaja jak kandydat ad viertykali.
«Značycca tak. Učora na partale Tut.baj byŭ apublikavany śpis deputataŭ ad horada Minska. Za nas užo ŭsio vyrašyli. Pa maim mierkavańni, heta ŭsio pavinny vyrašać vybarcy. Jakoje vaša staŭleńnie da hetaha artykuła, i ci nie ličycie vy heta niedobrasumlennaj kankurencyjaj?
Sajhanava adkazała, što čytała i inšyja prahnozy, dzie skazana, što ŭsio nie tak adnaznačna». Majecca na ŭvazie artykuł na «Biełaruskim partyzanie», dzie favarytami nazvanyja i Sajhanava, i Furs.
* * *
Pytańnie Ładućki ŭ bok Taŭstyki vyhladała biessensoŭnym tryźnieńniem:
«U naźvie vašaj partyi prysutničaje nazva «front». Značycca, vy pastajanna vajujecie. Biełaruś užo dastatkova mnoha navajavałasia. Nosiacca partrety Bandery, katory rasstrelvaŭ biełahvardziejskich aficeraŭ… Ci źbirajeciesia vy kali-niebudź što-niebudź stvarać?
* * *
Sajhanava vyrašyła pakpić z ŁDPB. «Vy kažacie, što ŭ vas vialikaja partyja. Ja nie razumieju, čamu ŭ ciapierašnim parłamiencie pradstaŭnikoŭ vašaj partyi adzin-dva — i ŭsio», — spytałasia jana. «Adzin-dva» vyhladaje avansam pra partyi Hajdukieviča, i Ładućku daviałosia pryznać heta. «Nivodnaha niama», — sumnym hołasam pryznaŭsia jon. Kandydat zajaviŭ, što straciŭ vieru ŭ demakratyju ŭ Biełarusi i viarnuŭ jaje tolki ŭ apošnija hady. Jon nie vieryć u sumlennaść padliku hałasoŭ: «Niavažna, chto jak hałasuje. Važna, chto jak ličyć. Majo mierkavańnie, što narod hałasavaŭ pa-inšamu. A roznymi sposabami… voś partałami Tut.baj cipa my vybirajem deputataŭ… naviazvali svajo mierkavańnie i tamu tak adbyvałasia».
Kamientary