«Samaja mahutnaja naša zbroja»: pieršyja FOTA z dyvizijona, jaki ŭzbroiŭsia rakietnymi kompleksami «Pałanez»
Padčas uračystaj cyrymonii reaktyŭnyja sistemy załpavaha ahniu «Pałanez» byli pieradadzienyja 77-mu asobnamu reaktyŭnamu artyleryjskamu dyvizijonu ministram abarony Biełarusi Andrejem Raŭkovym, piša vsr.mil.by.
U dyvizijon, jaki ŭvachodzić u skład 336-j reaktyŭnaj artyleryjskaj bryhady, byli pryznačany lepšyja aficery i žaŭniery-rakietčyki.
«Dobra b było, kab «Pałanez» nie vykarystoŭvaŭsia ŭ bajavych umovach… Ale kali spatrebicca, my pavinny być hatovymi vykarystać jaho ŭ składany čas dla abarony suvierenitetu, terytaryjalnaj cełasnaści, kanstytucyjnaha stroju i niezaležnaści Respubliki Biełaruś», — skazaŭ kiraŭnik vajennaha viedamstva.
Pierad cyrymonijaj dyvizijon pravioŭ 150-kiłamietrovy marš sa Słucka, dzie adbyvalisia apošnija pracy na pradpryjemstvie-vytvorcy.
Pakul nieviadoma, kolki dakładna «Pałanezaŭ» atrymała biełaruskaja armija. Na fota bačna jak minimum 2 kompleksy i adna transpartna-zaradžalnaja mašyna.
U červieni «Pałanezy» stralali na terytoryi Biełarusi i pakazali svaju moc i nadziejnaść.
«Bolš mahutnaj zbroi ŭ nas niama… Vyprabavalnyja puski byli praviedzienyja nad dzieviaćciu rajonami i tryma abłaściami. Adkaznaść vajskoŭcaŭ była najvyšejšaj», — raspavioŭ pieršy namieśnik ministra abarony hienierał-major Aleh Biełakonieŭ.
RSZA «Pałanez» pryznačanaja dla paražeńnia adkryta raźmieščanaj i ŭkrytaj žyvoj siły, niebraniravanaj i braniravanaj vajennaj i vajenna-śpiecyjalnaj techniki, artyleryi, rakietnych i zienitnych rakietnych kompleksaŭ, avijacyjnaj techniki na aeradromach baziravańnia i inšych abjektaŭ na dalokaści ad 50 km da 200 km z vysokaj dakładnaściu.
Reaktyŭnaja sistema załpavaha ahniu ŭpieršyniu była prezientavanaja 9 maja 2015 hoda na vajennym paradzie ŭ Minsku. Było zajaŭlena, što hetaja bajavaja mašyna moža adnačasova nanieści kropkavy ŭdar pa vaśmi celach na dalokaści bolš za 200 kiłamietraŭ.
RSZA ŭstanoŭlenaja na čatyrochvosnym šasi vysokaj prachodnaści MZKC-7930. Imavierna, vykarystoŭvajucca vysokadakładnyja 301 mm kitajskija rakiety A200 masaj 750 kh.
Akramia vaśmizaradnaj puskavoj ustanoŭki i transpartna-zaradžalnaj mašyny na šasi MZKC-7930, u skład padraździaleńnia uvachodzić mabilny kamandny punkt batarei na šasi aŭtamabila MAZ-6317.
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary