Polšča moža atrymać novy tank: T-72, maksimalna nabližany da niamieckaha «Leaparda»
27 žniŭnia polski telekanał TVR1 u pieradačy «Naša armija» pakazaŭ navinki ŭzbrajeńniaŭ, jakija prademanstruje kampanija Polska Grupa Zbrojeniowa SA na Mižnarodnaj vystavie vajskovaj pramysłovaści ŭ Kielcach, što startuje na hetym tydni, piša dziennikzbrojny.pl.
Siarod inšaha byŭ pakazany demanstratar (kancept-makiet) tanka PT-16 — madernizavanaj viersii polskaha tanka RT-91, jaki sam źjaŭlajecca polskaj madernizacyjaj savieckaha T-72.
Tank budzie maksimalna vykarystoŭvać kamplektujučyja polskaj vytvorčaści.
Zhodna ź infarmacyjaj, tank pavialičyć svaju ahniavuju moc, manieŭranaść i ŭzrovień abarony. Savieckuju pušku płanujecca zamianić na pušku 120mm, jakaja zmoža vykarystoŭvać bajeprypasy, unifikavanyja pavodle standartaŭ NATO. Puška z aŭtamatam zaradžańnia raspracavanaja polskim zavodam Huta Stalowa Wola SA.
Braniravańnie korpusa i viežy budzie ŭzmocnienaje broniepanelami taksama polskaj raspracoŭki. Uviedzienaja novaja sistema kiravańnia ahniom, na viežy — dystancyjna kiravanaja turel z kulamiotam kalibra 7,62 ci 12,7 mm. Taksama miarkujecca pastavić novy ruchavik.
Ministerstva abarony Polščy raniej zajaŭlała, što nie płanuje madernizacyju tankaŭ RT-91, bo vyrašana całkam ich zamianiać na niamieckija Leopard 2, adnak polskija kampanii spadziajucca zacikavić svaim prajektam vajskoŭcaŭ.
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu36
Kamientary