Biełaruś padtrymlivaje ideju intehracyi Jeŭrazijskaha ekanamičnaha sajuza (JEAES) i Šanchajskaj arhanizacyi supracoŭnictva (ŠAS), zajaviŭ premjer-ministr Andrej Kabiakoŭ na 15-m pasiadžeńni Savieta kiraŭnikoŭ uradaŭ dziaržaŭ — členaŭ ŠAS 3 listapada ŭ Biškieku, paviedamili ŭ pres-słužbie Savieta ministraŭ, piša BiełaPAN.
Pavodle jaho słoŭ, biełaruskija ŭłady całkam padzialajuć mierkavańnie Rasii ab «ciesnaj intehracyi JEAES i ŠAS», jakaja tyčycca ekanamičnaha ŭzajemadziejańnia hetych dvuch struktur.
Akramia taho, premjer-ministr skazaŭ, što Biełaruś padtrymlivaje žadańnie i kankretnyja płany Kitaja dałučyć krainy JEAES da inicyjatyvy raźvićcia «ekanamičnaha pojasa Šaŭkovaha šlachu», a taksama ŭ častcy supracoŭnictva ŭ śfiery pramysłovaści, transpartu, kamunikacyj, infarmacyjnych technałohij, inavacyjnaha i finansavaha supracoŭnictva.
Kabiakoŭ adznačyŭ, što Biełaruś taksama zacikaŭlena i dalej pašyrać usiebakovaje partniorstva z krainami ŠAS, u tym liku raźvivajučy vytvorčuju kaapieracyju ź dziaržavami — ŭdzielnicami hetaj arhanizacyi. «My zacikaŭleny ŭ maksimalnym pašyreńni vytvorčaj kaapieracyi, u tym liku z ulikam najaŭnaha ŭ nas vopytu stvareńnia sumiesnych pradpryjemstvaŭ na roznych kantynientach. My bačym dobryja mahčymaści dla kansalidacyi namahańniaŭ pa vypusku najnoŭšych uzoraŭ kankurentazdolnaj mašynabudaŭničaj pradukcyi, zabieśpiačeńnia naležnaha servisnaha i paślaprodažnaha absłuhoŭvańnia», — padkreśliŭ kiraŭnik biełaruskaha ŭrada.
Biełaruś, pavodle słoŭ premjer-ministra, hatova ciesna kantaktavać z krainami ŠAS u halinie navuki, adukacyi, turyzmu, humanitarnaha supracoŭnictva, maładziožnych prajektaŭ, kaardynacyi pracy ŭ śfiery achovy navakolnaha asiarodździa.
Adnym z kirunkaŭ uzajemavyhadnaha supracoŭnictva Kabiakoŭ nazvaŭ ahrapramysłovy kompleks i spadarožnaje hetamu raźvićcio łahistyčnaj i transpartnaj śfier. Akramia hetaha, vyklučna važnym jon ličyć raźvićcio supracoŭnictva ŭ halinie finansavych i bankaŭskich pasłuh.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary