Rasijskaja palicyja praviaraje paviedamleńnie pra pahrozu vybuchu ŭ Kramli, pasolstvie ZŠA i jašče ŭ niekalkich budynkach u Maskvie. Pra heta paviedamlaje ahienctva haradskich navin «Maskva» sa spasyłkaj na krynicu ŭ ekstranych słužbach.
«Na słužbu 02 pastupiła piać paviedamleńniaŭ pra pahrozu vybuchu: u budynku pasolstva ZŠA ŭ Maskvie, u Kramli, na Jarasłaŭskim vakzale, u adździaleńni AUS na Leninskim praśpiekcie, d. 4, i ŭ koł-centry «Eka-Mabajł» u Zielenahradskaj akruzie», - skazała krynica ahienctva.
PMaźniej TASS sa spasyłkaj na anałahičnuju krynicu paviedamiła, što pad pahrozaj taksama apynulisia Kurski i Kazanski vakzały.
Na ŭsie abjekty vyjechali kinołahi, palicyja prymaje miery pa vyjaŭleńni zajaŭnika.
U červieni 2016 hoda ŭ palicyju paviedamili pra pahrozu vybuchu na piaci ź dzieviaci maskoŭskich vakzałaŭ (Kurskim, Biełaruskim, Leninhradskim, Kazanskim i Jarasłaŭskim). Z usich čyhunačnych vuzłoŭ byli evakujavanyja pasažyry i piersanał, ahułam kala 1,2 tysiačy čałaviek. Pahroza ŭ nivodnym vypadku nie paćvierdziłasia. Vartavyja paradku znajšli telefonnaha terarysta, im akazaŭsia dvojčy sudzimy 39-hadovy žychar Padmaskoŭja. Rastłumačyć, dla čaho jon heta zrabiŭ, mužčyna nie zmoh, tak jak, pa jaho słovach, byŭ pjany i nie ŭśviedamlaŭ svaich učynkaŭ.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary