Pra heta zajaviŭ 8 listapada ŭ Minsku na pres-kanfierencyi, pryśviečanaj prahramie prasoŭvańnia polskaj pradukcyi «Smaki Jeŭropy», pasoł u Biełarusi Konrad Paŭlik, paviedamlaje BiełaPAN.
Pavodle jaho słoŭ, zhodna z aficyjnaj statystykaj, lehalna ŭ Polščy pracuje 611 tys. ukraincaŭ, 9 tys. małdavan, 7 tys. 900 biełarusaŭ. «Na asnovie hetych źviestak my bačym, što popyt na rabotnikaŭ ź inšych krain dastatkova raście na fonie źnižeńnia biespracoŭja ŭ Polščy», — adznačyŭ pasoł.
«My hatovyja prymać na karotkačasovy pieryjad (ad adnaho da šaści miesiacaŭ) nie tolki ŭ sielskuju haspadarku, ale i ŭ inšyja siektary ekanomiki hramadzian inšych krain, u tym liku Biełarusi. Jak vy bačycie, kolkaść rabotnikaŭ ź Biełarusi ŭ paraŭnańni z Ukrainaj nievialikaja», — adznačyŭ kiraŭnik dypmisii.
Pavodle słoŭ Paŭlika, kožny dzień u polskaje pasolstva ŭ Minsku pastupajuć zapyty ad pracadaŭcaŭ, pradstaŭnikoŭ roznych kampanij nakont rabotnikaŭ ź Biełarusi dla karotkačasovaj pracy ŭ Polščy ŭ śfiery vytvorčaści, sielskaj haspadarki i pasłuh.
«Ciapier važna stvaryć kankretnuju strukturu, kudy mahli b takija zajaŭki pastupać. Polskija kampanii šukajuć pasiarednikaŭ, jakija mahli b abjaŭlać i šukać biełaruskich rabotnikaŭ. Jość polskija kampanii, zacikaŭlenyja stać takimi pasiarednikami. My vyśviatlajem, jakaja pracedura atestacyi i siertyfikacyi dla hetaha patrabujecca ŭ Biełarusi», — paviedamiŭ pasoł.
Jon zaznačyŭ, što heta tolki pačatak šlachu «sistemnaha vyznačeńnia ramak dla pošuku pracy ŭ Polščy».
«Ale my bačym, što jość vialiki popyt u Polščy, u tym liku na pracaŭnikoŭ ź Biełarusi. Kali budzie takaja ž zacikaŭlenaść i ź biełaruskaha boku, kab arhanizavać usio heta sistemna, my hatovyja da supracoŭnictva. Pakul heta ažyćciaŭlajecca ŭ abmiežavanym režymie, pra heta kaža i statystyka», — ličyć pasoł.
Jak zaznačyŭ prezident Ahienctva ahrarnaha rynku Polščy Łukaš Chałuboŭski, sielskaja haspadarka hetaj krainy — heta jašče i rynak pracy. Pavodle jaho słoŭ, siońnia ŭ Minsku prajšli pieramovy ab adkryćci polskaha rynku pracy siezonnych rabot dla biełarusaŭ.
«My hatovyja prymać pracoŭnyja ruki ź Biełarusi. Hatovyja harantavać umovy pracy, sacyjalny pakiet i dastojny zarobak», — zajaviŭ Chałuboŭski.
Na jaho dumku, takaja mahčymaść pracy biełarusaŭ z polskimi pradprymalnikami stanoŭča adabjecca i na inviestycyjach, tamu što «heta budzie nie tolki znajomstva pamiž ludźmi, ale i znajomstva z novymi technałohijami, što palehčyć ich pieranos u Biełaruś».
«Ja dumaju, što takoje dobrasusiedstva apyniecca ŭzajemavyhadnym dla abodvuch bakoŭ, tamu što jaho pładami buduć jakasnyja pradukty i inviestycyi», — ličyć prezident ahienctva.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY25
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary