Biełarusy zasumavali pa duchu Siaredniaviečča: na kancert hurtu «Stary Olsa» zastałosia mienš za 200 kvitkoŭ
20 listapada paśla praciahłych hastrolaŭ za miažoj hurt «Stary Olsa» narešcie prezientuje novuju prahramu «Medieval Classic Rock» dla ŭlubionaj ajčynnaj publiki. Biełaruskija prychilniki za čas adsutnaści kalektyvu paśpieli zasumavać pa niepaŭtornym duchu Siaredniaviečča: za paru dzion da kancerta zastałosia mienš za 200 kvitkoŭ!
Hurt «Stary Olsa» pa pravie možna nazvać adnym z samych znakavych kalektyvaŭ u sučasnaj biełaruskaj siaredniaviečnaj falkłornaj muzycy.
Jakasnaje vykanańnie, aryhinalnaja, zapaminalnaja padača i jarkija vobrazy muzykaŭ «Staroha Olsy» stvarajuć niejmaviernuju atmaśfieru sapraŭdnaha viartańnia ŭ vieličnyja časy Vialikaha Kniastva Litoŭskaha. Za čas isnavańnia kalektyŭ vydaŭ 13 studyjnych albomaŭ i 1 muzyčny prajekt, 6 videaklipaŭ i nabyŭ šmatlikich prychilnikaŭ u Biełarusi i pa-za jaje miežami.
«Stary Olsa» nieadnarazova vystupaŭ na kancertach i fiestyvalach siaredniaviečnaj kultury, rycarskich turnirach i falkłornych festach. Akramia hetaha, hurt aktyŭna supracoŭničaje z rycarskimi kłubami, muziejami, daśledčyckimi centrami, z hurtami staražytnaj muzyki i asobnymi vykanaŭcami i majstrami, zacikaŭlenymi ŭ adnaŭleńni aŭtentyčnaha hučańnia staražytnych instrumientaŭ.
Imklivy ŭźlot hurtu «Stary Olsa» pačaŭsia z vystupu ŭ miežach viadomaha telešou «Lehiendy Live», dzie jany vykanali aryhinalny kavier na baładu «One» hurtu Metallica. Videazapis vystupa sabraŭ 2 miljony prahladaŭ u YouTube. «Stary Olsa» atrymaŭ mnostva listoŭ ad prychilnikaŭ z roznych kutkoŭ śvietu z prośbami vykanać na staražytnych instrumientach inšyja lehiendarnyja rok-kampazicyi. Praź niekatory čas hurt padpisaŭ kantrakt z amierykanskaj studyjaj hukazapisu i vypuściŭ našumieły albom «Medieval Classic Rock», prezientacyja jakoha adbyłasia ŭ San-Francyska.
U padtrymku alboma «Stary Olsa» adpraviŭsia ŭ praciahłyja hastroli pa ZŠA. Hurt naviedaŭ 21 štat, 23 harady, daŭ 23 paŭnavartasnyja kancerty i 35 vystupaŭ. Paśla hetych hastrolaŭ kalektyŭ paśpieŭ atrymać niekalki novych zaprašeńniaŭ i vystupiŭ z kancertami ŭ Maskvie i Sankt-Pieciarburhu.
I voś narešcie 20 listapada hurt «Stary Olsa» prezientuje prahramu «Medieval Classic Rock» dla ŭlubionaj ajčynnaj publiki. Albom «Medieval Classic Rock», biezumoŭna, možna nazvać znakavym u tvorčaści kalektyvu. Muzyki zdoleli ŭdychnuć novaje žyćcio ŭ staryja, usim viadomyja miełodyi, vykanaŭšy ich na aŭtentyčnych falkłornych instrumientach. Akramia prezientacyi kampazicyj z novaha alboma, jaki ŭžo paśpieŭ pryjścisia daspadoby biełaruskim prychilnikam, hurt vykanaje svaje najlepšyja chity i niaźmienna paraduje haściej čaroŭnaj atmaśfieraj zahadkavaha Siaredniaviečča.
Nahadajem, što kancert hurta «Stary Olsa» adbudziecca 20 listapada ŭ DK MAZ.
Zastałosia mienš za 200 kvitkoŭ, śpiašajciesia nabyć biez nacenki:
- pierachod st.m. Jakuba Kołasa,
- kasa DK MAZ (paniadziełak-čaćvier — 11.30—19.00, piatnica, subota — 15.00—19.00, teł. kasy: 017 242 82 04).
Košt kvitkoŭ: ad 17 da 30 r.
Dadatkovuju infarmacyju možna atrymać pa telefonach: (29) 6490888, (44) 5779089
Kamientary