Startuje novy siezon Premii Ciotki dla dziciačych piśmieńnikaŭ i ilustrataraŭ
Sajuz biełaruskich piśmieńnikaŭ, Biełaruski PEN-centr i dabračynny fond «Viartańnie» abviaščajuć pryjom zajavak na Premiju Ciotki za najlepšuju knihu dla dziaciej i padletkaŭ. Premija budzie ŭručanaja ŭžo druhi raz viasnoj 2017 hoda, da konkursu prymajucca knihi, što vyjšli ŭ 2016 hodzie pa-biełarusku.
Premija Ciotki budzie ŭručacca ŭ dźviuch naminacyjach: za najlepšy tvor dla dziaciej i padletkaŭ (niezaležna ad rodu litaratury — proza, paezija, dramaturhija — aŭtaru aryhinalnaj biełaruskaj knihi) i za najlepšaje mastackaje afarmleńnie knihi (mastaku-ilustrataru knihi).
U kožnaj naminacyi budzie vyznačany adzin pieramožca. Kožny ź ich atrymaje hrašovuju ŭznaharodu, ekvivalentnuju 2000$ pavodle kursu Nacyjanalnaha banka RB. Bolš infarmacyi šukajcie na aficyjnym sajcie ciotka.by.
Kab padać knihu na konkurs, treba zapoŭnić formu na sajcie ciotka.by. Prapanavać knihu na konkurs mohuć vydaviectvy, arhkamitet premii, členy žury, a taksama sam aŭtar abo mastak i naohuł luby zacikaŭleny čytač.
Letaś pieramožcami pieršaj Premii Ciotki stali piśmieńnica Nadzieja Jaśminska i mastačka Kaciaryna Dubovik z knihaj «Siem ružaŭ».
-
70‑hadovy piensijanier vydaŭ svoj pieršy raman sam. «Tea z Hołdena» staŭ biestseleram
-
«Dom, u jakim…» Maryjam Pietrasian — raskazvajem pra kultavuju dla pakaleńnia 2010‑ch knihu-biestsieler, jakuju pierakłali na biełaruskuju movu
-
Abvieščany doŭhi śpis naminantaŭ na premiju imia Ježy Hiedrojcia za najlepšuju biełaruskuju knihu 2025 hoda
Kamientary