Łukašenka: U Rasii katastrofa, hrošy tam pachavali, vyciahvajcie ich!
24 listapada Alaksandr Łukašenka pravioŭ naradu, pryśviečanuju stratehii raźvićcia ajčynnaha mašynabudavańnia. Na joj było zajaŭlena, što situacyju treba kardynalnym čynam vypraŭlać i dla hetaha, nibyta, jość «vializnyja reziervy». Kiraŭnik dziaržavy ličyć, što «treba z punktu hledžańnia ekanomiki nastroicca na vajenny ład» i pracavać. «Vytrymajem ekanamična, budziem žyć», — skazaŭ jon.
Taksama Łukašenka vykazaŭsia pra situacyju ŭ Rasii. Jak viadoma, dniami kiraŭnik Biełarusi naviedvaŭ Maskvu i sustrakaŭsia z Uładzimiram Pucinym, ale pra źmiest ich razmovy amal ničoha nie było viadoma.
«Tak, katastrofa ŭ Rasii, ale Rasija roznaja, siomaja častka sušy, — cytuje słovy Alaksandra Łukašenki telekanał «Biełaruś 1». — Hrošaj tam niamierana, ale zrazumieła, što hrošy pachavali. Ale ž jany ŭ niečym majuć patrebu, vyciahvajcie hetyja hrošy. Razmaŭlajcie ź ludźmi. Nichto ž Rasiju ŭ biezdań nie pierakulić. Rasija ŭsio roŭna budzie žyć. Joj patrebny i traktar, i kambajn patrebny. Usio patrebna. I tut treba pracavać».
Łukašenka daručyŭ uradu mabilizavać resursy i siły, kab źmianić situacyju ŭ mašynabudavańni.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra2
Kamientary