Jeŭrapiejski bok pakul nie choča davać Biełarusi pierachodny pieryjad u pahadnieńni ab readmisii, jakoje źjaŭlajecca častkaj vizavych damoŭlenaściaŭ ź ES.
Pra heta zajaviła namieśnik kiraŭnika MZS Alena Kupčyna, paviedamlaje TUT.BY.
Pa słovach Kupčynoj, u Biełarusi i ES zastajucca «adkrytyja pytańni» na pieramovach ab spraščeńni vizavaha režymu, jakija źjavilisia ŭ śviatle novaj mihracyjnaj situacyi ŭ Jeŭropie.
«Treba rastłumačyć pazicyi bakoŭ, Jeŭropa sama nie viedaje časam, što joj rabić ź mihracyjnymi patokami. My pačynali hetyja pieramovy, kali była adna situacyja — adnosna biaśpiečnaja ŭ Jeŭropie, a ciapier vy bačycie sami, što adbyvajecca».
Namieśnik ministra adznačyła, što Biełaruś cikavić u pieršuju čarhu pahadnieńnie ab readmisii. Jano ŭ tym liku praduhledzić abaviazak Biełarusi prymać nazad nielehalnych mihrantaŭ, jakija trapiać u ES z našaj terytoryi, i samastojna kłapacicca ab ich viartańni ŭ tyja krainy, adkul jany źjechali pieršapačatkova.
«My hatovyja prymać hetyja abaviazki, ale jość pytańnie pierachodnaha pieryjadu, jaki nam pakul nie dajecca. Biełaruś chacieła b trochhadovy pierachodny pieryjad, jaki pradastaŭlajecca inšym krainam, naprykład, Rasii, Ukrainie i Turcyi. Heta nie pytańnie našaj niehatoŭnaści da abaviazkaŭ, my chočam ich hodna vykanać».
Taksama nie źniataje pytańnie z dypłamatyčnymi pašpartami. Jeŭrasajuz choča pierakanacca ŭ harantyjach biaśpieki dla ŭładalnikaŭ takich dakumientaŭ u Biełarusi.
«Heta nie klučavoje pytańnie, jano techničaje. Nas prosiać pra dadatkovyja harantyi biaśpieki našych dyppašpartoŭ. My adna z samych dyscyplinavanych krain u płanie dakumientaŭ i mihracyjnych pytańniaŭ. Ja nie razumieju, jakija harantyi zadavolili b jeŭrapiejski bok. Heta abmiarkujuć techničnyja śpiecyjalisty».
Kupčyna nie hatovaja dać prahnoz, kali pieramovy skončacca, tamu što heta zaležyć nie tolki ad Biełarusi, a i ad pazicyi ŭsich 28 krain ES.
Pa pahadnieńni ab spraščeńni vizavaha režymu košt šenhienskaj vizy źmienšycca z 60 da 35 jeŭra.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary