Milicyja adšukała mužčynu, z-za jakoha na stancyi mietro «Płošča Lenina» 82-hadovy stary atrymaŭ ciažkuju traŭmu — pierałom šyjki pravaha ściahna sa zrušeńniem adłomkaŭ. Pra heta paviedamlaje pres-słužba HUUS Minharvykankama.
82-hadovamu čałavieku zrabili płatnuju apieracyju, pastavili pratez, jon znachodzicca doma.
Mužčynam, jaki, prabiahajučy, šturchnuŭ piensijaniera, akazaŭsia 27-hadovy žychar Słonima. U ciapierašni čas jon pa stanie zdaroŭja znachodzicca ŭ špitali, ale apieratyŭnikam udałosia pahutaryć ź im.
«Vinu svaju jon nie pryznaje, kaža, što navat nie adčuŭ, što kahości šturchnuŭ. Na pytańnie: «Kudy tak śpiašaŭsia?» — adkazaŭ, što spaźniaŭsia na padpracoŭku. Aficyjna mužčyna časova nie pracuje», — raspaviali ŭ milicyi.
Milicyja taksama pravodzić pravierku pa hetym fakcie. Dziejańni žychara Słonima mohuć być kvalifikavanyja pa art. 155 Kryminalnaha kodeksa Biełarusi (Pryčynieńnie ciažkaha abo mienš ciažkaha cialesnaha paškodžańnia pa nieaściarožnaści). Sankcyja hetaha artykuła praduhledžvaje abmiežavańnie voli na termin da dvuch hadoŭ.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary