U Breście ŭ avaryju trapi kiroŭca aŭtamašyny «Mersedes-Bienc», jaki znachodziŭsia ŭ stanie ałkaholnaha apjanieńnia.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, 8 śniežnia kala 22.30 23-hadovy bieraściejec, jaki kiravaŭ «Miersiedesam», na skryžavańni vulic Arłoŭskaj i Haŭryłava pry pavarocie naprava nie abraŭ biaśpiečnuju chutkaść ruchu, nie spraviŭsia z kiravańniem i vyjechaŭ na «astravok biaśpieki», dzie ŭrezaŭsia ŭ śviatłafor i paškodziŭ elemienty «astraŭka».
Ad udaru kiroŭca raźbiŭ hałavoj łabavoje škło. Paśla akazańnia miedycynskaj dapamohi jon admoviŭsia ad špitalizacyi.
Vyjaŭlena, što kiroŭca i jaho 25-hadovy pasažyr znachodzilisia ŭ stanie apjanieńnia (2,12 i 2,14 pramile ałkaholu ŭ kryvi adpaviedna). Pa słovach maładych ludziej, jany jechali ŭ mahazin pa śpirtnoje, vypiŭšy da hetaha butelku harełki.
U dačynieńni da kiroŭcy składzieny administracyjnyja pratakoły za kiravańnie ŭ stanie ałkaholnaha apjanieńnia.
«Mersedes» atrymaŭ surjoznyja miechaničnyja paškodžańni i byŭ dastaŭleny z dapamohaj evakuatara na štrafstajanku.
Ciapier čytajuć
Staŭ viadomy prysud eks-pamočniku Łukašenki Iharu Bryło2
Kamientary