Papskaja Sikścinskaja kapeła moža ŭziać udzieł u mižnarodnym fiestyvali duchoŭnaj muzyki «Mahutny Boža», jaki projdzie ŭ Mahilovie ŭ kancy červienia. Siońnia hetaja infarmacyja była ahučanaja padčas sustrečy Apostalskaha nuncyja ŭ Biełarusi arcybiskupa Habara Pintera i staršyni Mahiloŭskaha abłvykankama Uładzimira Damanieŭskaha, paviedamlaje BIEŁTA.
U ciapierašni čas z kapełaj viaducca pieramovy, i kali joj dazvolić hastrolny hrafik, to jana vystupić z kancertami na fiestyvali duchoŭnaj muzyki «Mahutny Boža». Habar Pinter i Mitrapalit Minska-Mahiloŭski arcybiskup Tadevuš Kandrusievič byli taksama zaprošanyja Uładzimiram Damanieŭskim naviedać muzyčny forum, jaki budzie prachodzić u dni uračystaściaŭ, pryśviečanych 750-hodździu Mahilova. Kiraŭnik vobłaści vykazaŭ hatoŭnaść u hety čas znoŭ sustrecca asabista z Habaram Pinteram i abmierkavać chvalujučyja jaho pytańni.
Baki zakranuli temy ŭzajemadziejańnia pa arhanizacyi i stvareńni spryjalnych umoŭ dla pracy katalickich parafij u Mahiloŭskaj vobłaści, mahčymaści i prablemy, źviazanyja z ramontam isnujučych katalickich chramaŭ, a taksama budaŭnictvam novych relihijnych abjektaŭ. U pryvatnaści, Uładzimir Damanieŭski paabiacaŭ padtrymku ŭ pytańniach ramontu katedralnaha kaścioła Uniebaŭziaćcia Najśviaciejšaj Panny Maryi i śviatoha Stanisłava ŭ Mahilovie i dobraŭparadkavańni prylehłaj da jaho terytoryi. Jon taksama vykazaŭ słovy padziaki za dapamohu katalickaj jeparchii ŭ pryviadzieńni ŭ paradak kaściołaŭ Mścisłava da abłasnoha fiestyvalu-kirmašu pracaŭnikoŭ vioski «Dažynki-2016».
U kafiedralnym kaściole śviatoha Stanisłava Apostalski nuncyj siońnia pahutaryć z katalickimi śviatarami Mahiloŭskaj vobłaści. Zatym jon naviedaje muziej historyi Mahilova i budavany katalicki prychod śviatoha Antonija Paduanskaha.
Arcybiskup Habar Pinter 5 lutaha ŭznačalić Śviatuju Imšu ŭ mahiloŭskaj katedry i sustreniecca ź viernikami.
Kamientary