Rasijski apazicyjny palityk Alaksiej Navalny ŭ kancy krasavika ŭ čarhovy raz staŭ achviaraj napadu nieviadomych. Heta trend sučasnych palityčnych realij — u hramadskim miescy da apazicyjanieraŭ padbiahajuć krepkija mužčyny i niešta sunuć im u tvar. Spačatku heta byli torty, paśla — zialonka. Adnak apošni vypadak staŭ jašče bolš aburalnym.
U tvar Navalnamu — samamu papularnamu rasijskamu apazicyjnamu palityku, jaki źbirajecca bałatavacca na prezidenckich vybarach-2018 — plasnuli zialonku, źmiašanuju ź nieviadomaj vadkaściu. U vyniku chimičnaha apioku jon straciŭ 80% zroku na adnym voku. Pakul nieviadoma, ci buduć nastupstvy apioku niezvarotnymi.
Internaŭty zmahli apaznać dvuch mužčyn, jakija ŭdzielničali ŭ napadzie. Admietna, što prakramloŭski telekanał RenTV apieratyŭna apublikavaŭ videa incydentu, ale zamazaŭ tvary… napadnikaŭ!
Ciapier Navalny maje namier padać skarhi na biaździejnaść pravaachoŭnych orhanaŭ. Tyja robiać vyhlad, što dahetul nie viedajuć asoby napadnikaŭ.
Chto ž hetyja ludzi? Ź zialonkaj padbieh da Navalnaha aktyvist «patryjatyčnaha» ruchu SERB Alaksandr Piatruńka. A zdymaŭ incydent inšy ŭdzielnik ruchu Alaksiej Kułakoŭ.
Alaksiej Kułakoŭ — były (a moža, i ciapierašni) milicyjant.
Piatruńka (źleva) ź vice-śpikieram Dziarždumy Rasii Piatrom Tałstym.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?15
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary