Prezident Rasii Uładzimir Pucin pa vynikach pieramoŭ sa svaim tureckim kaleham Redžepam Taipam Erdahanam zajaviŭ, što baki zdoleli damovicca ab admienie praktyčna ŭsich ekanamičnych sankcyj, uviedzienych Rasijaj u dačynieńni da Turcyi, paviedamlaje VVS.
Pa jaho słovach, «možna kazać, što [hetyja abmiežavańni ŭžo] źniatyja». Pry hetym pakul zachavajucca abmiežavańni na pastaŭku ŭ Rasiju tureckich tamataŭ, a taksama uviedzieny Rasijaj vizavy režym dla hramadzian Turcyi.
«My prasili našych tureckich partnioraŭ i siabroŭ zrazumieć, što paśla viadomych trahičnych padziej, kali byli ŭviedzienyja hetyja abmiežavańni, žyćcio raźvivałasia i nie stajała na miescy. Heta źviazana z vytvorčaściu tych samych tamataŭ», — skazaŭ Pucin.
«Našy sielhasvytvorcy ŭziali značnyja abjomy kredytaŭ i kredytnych resursaŭ. Heta dastatkova praciahły cykł vytvorčaści, źviazany ŭ našych klimatyčnych umovach z budaŭnictvam ciapličnych zbudavańniaŭ, i hetak dalej. Pa hetym vidzie tavaraŭ abmiežavańni pakul buduć zastavacca», — rastłumačyŭ jon.
Pa słovach Pucina, Rasija zacikaŭlenaja ŭ tym, kab na palicach kram źjaŭlalisia tannyja i jakasnyja pradukty. «Ale [ŭ toj ža čas] my zacikaŭlenyja ŭ tym, kab naš sielskahaspadarčy siektar raźvivaŭsia, a tyja, chto ŭziaŭ kredyty, nie akazaisia la pabitaha karyta», — dadaŭ jon.
Tłumačačy vizavyja abmiežavańni dla tureckich hramadzian, Pucin skazaŭ, što prablema zaklučajecca ŭ tym, kab palepšyć uzajemadziejańnie śpiecsłužbaŭ u suviazi z terarystyčnaj pahrozaj. Pry hetym dla tureckich hramadzian, jakija pastajanna byvajuć pa spravach u Rasii, praduhledžanaja niekatoraja libieralizacyja.
Erdahan na supolnaj z Pucinym pres-kanfierencyi paćvierdziŭ prahres na šlachu da poŭnaj admieny jakich-niebudź abmiežavańniaŭ. «Akramia pamidoraŭ, my pryjšli da zhody pa ŭsich pytańniach. My chočam, kab tureckija pamidory akazalisia na rasijskim rynku. Jany smačnyja i tannyja. I hetyja časovyja abmiežavańni», — skazaŭ jon.
U chodzie pieramoŭ dva prezidenty taksama abmierkavali budaŭnictva tureckaj atamnaj elektrastancyi «Akuju» i situacyju ŭ Siryi. Pa słovach Pucina, Rasija inviestuje ŭ budaŭnictva «Akuju» 22 młrd dalaraŭ. Raniej prajekt aceńvaŭsia prykładna ŭ 20 młrd dalaraŭ.
Lidary zakranuli taksama siryjskuju prablemu.
«Jość adna ruskaja prykazka: u kaho što balić, toj ab tym i kaža. Dla abiedźviuch našych krain Siryja — kryvaciečnaja hłybokaja rana. I kali ŭ inšych krainach dzieci hulajuć, radujucca prychodu viasny, to siryjskija dzieci kožny dzień sutykajucca sa śmierciu, i heta naša ahulnaje hora», — zajaviŭ na pres-kanfierencyi Erdahan.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy2
Kamientary