Padletak z Słucka atrymlivaŭ dostup da čužych dadzienych z dapamohaj hulni «Clash Royal», paviedamlaje HUUS Minharvykankama.
Zajava ŭ milicyju pastupiła ad 36-hadovaj žycharki Minska. Žančyna paviedamiła, što nieviadomy zavałodaŭ dostupam da akaŭnta Google, jaki naležyć jaje niepaŭnaletniamu synu. Akramia taho, ź jaje mabilnaha telefona i telefona muža była vydalenaja ŭsia infarmacyja.
Pravaachoŭniki vyjavili, što jaje synu prychodziła paviedamleńnie ad nieviadomaha ab vyjhryšy ŭ hulni Clash Royal, a kab atrymać jaho, dzicia pavinna było dać svoj łahin i parol, što jano i zrabiła. Potym padletak raspavioŭ pra heta baćkam. Jany pačali praviarać svaje mabilnyja telefony, bo tyja pryviazanyja da akaŭnta syna. Telefony byli zabłakavanyja i viarnulisia da zavodskich naład, infarmacyja na ich adsutničała. Milicyjanty vyjavili asobu, jakaja mieła da hetaha dačynieńnie. Joju akazaŭsia 15-hadovy ŭradženiec Słucka, jaki navučajecca i žyvie ciapier u Maładziečna. Pravaachoŭnikam chłopiec rastłumačyŭ, što z 2015 hoda hulaje ŭ hulniu Clash Royal, vyvučaŭ ŭlikovyja zapisy inšych hulcoŭ i padmanvaŭ ich padobnym sposabam.
Dačynieńnie chłopca da niesankcyjanavanaha dostupu paćvierdziŭ i ahlad jaho kampjutara. U dziejańniach padletka ŭhledžvajecca skład złačynstva, praduhledžany art. 349 (niesankcyjanavany dostup da kampjutarnaj infarmacyi), art. 351 (kampjutarny sabataž), art. 352 (niepravamiernaje zavałodańnie kampjutarnaj infarmacyjaj) KK. Adnak na momant ździajśnieńnia supraćpraŭnych dziejańniaŭ jon nie dasiahnuŭ ŭzrostu, ź jakoha nastupaje kryminalnaja adkaznaść, tamu da administracyjnaj adkaznaści byli pryciahnutyja jaho baćki pa art. 9.4 KaAP (nievykanańnie abaviazkaŭ pa vychavańni dziaciej).
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud28
Kamientary