Pryniata ličyć, što čatyry stancyi treciaj linii staličnaha mietro adkryjucca dla pasažyraŭ u 2019 hodzie. Ale jak akazałasia, heta adbudziecca na hod paźniej. Čamu — raspavioŭ Tut.by hiendyrektar «Minskmietrabuda» Leanid Stuchalski.
Terminam zakančeńnia budaŭnictva stancyj «Kavalskaja Słabada», «Vakzalnaja», «Płošča Franciška Bahuševiča» i «Jubilejnaja płošča» nazyvajecca 2019 hod. Ab zdačy mietro ŭ hety termin pišuć u tym liku i ŭ abjavach pa prodažy kvater, padnosiačy heta jak bonus.
Hiendyrektar «Minskmietrabuda» Leanid Stuchalski tłumačyć — u 2019 hodzie skančajuć budavać tuneli.
«A ŭsie chočuć čuć, što heta skančajuć budavać mietro. A nam ža paśla zakančeńnia budaŭnictva tunelaŭ jak minimum treba vosiem miesiacaŭ dla taho, kab pakłaści rejki, puścić vyprabavalnyja ciahniki i adpracavać usie sistemy biaśpieki».
Pavodle aktualnych płanaŭ, tuneli novaj linii mietro buduć hatovyja da kanca 2019 hoda, a dla pasažyraŭ stancyi adkryjuć u 2020-m.
«Ja dumaju, što heta budzie kaniec 2020 hoda. Usio budzie zaležać ad taho, jak buduć iści raboty. Naprykład, na hetym katłavanie (u rajonie ciapierašniaj «Frunzienskaj») my spatyknulisia na čatyry miesiacy pa časie, tamu što tut vielmi składanaja hieałohija.
Z-za hetaha i ciapier u katłavanie iduć pracy pa ŭmacavańni ścien pradzievymi ankierami daŭžynioj 22 mietry. Praściej kažučy, ścianu prybivajuć da hruntu 22-mietrovymi ćvikami.
«I hetaja praca vybivaje nas z hrafika. My nie mierkavali, što heta budzie tak składana».
Na pytańnie, ci možna paskoryć pracu pavieličeńniem finansavańnia, kiraŭnik «Minskmietrabuda» adkazaŭ: «Hrošy jość, i hrošy tut ni pry čym».
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?14
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2121
Kamientary