Amerykanskija navukoŭcy vyraścili z čałaviečych stvałavych kletak čyrvonyja kryvianyja cielcy — erytracyty. Hetaje adkryćcio robić blizkaj revalucyju ŭ medycynie/
Amerykanskija navukoŭcy vyraścili z čałaviečych stvałavych kletak čyrvonyja kryvianyja cielcy — erytracyty.
Erytracyty nieabchodnyja arhanizmu dla dastaŭki tkankam kisłarodu j vyviadzieńnia dyjaksydu vuhlarodu. Dahetul ich možna było atrymać tolki z donarskaj kryvi.
Testy pakazali, što štučnyja erytracyty, jakija pavodle novaj technalohii možna atrymlivać miljardami, dastaŭlajuć kisłarod nia mienš efektyŭna, čym donarskija. Ciapier navukoŭcam naležyć dakazać, što jany j žyvuć stolki sama, jak pryrodnyja — kala 120 dzion.
Hetaje adkryćcio, na dumku vučonych, robić blizkaj revalucyju ŭ medycynie: atrymańnie ŭniversalnaj kryvi, jakuju možna pieralivać lubomu čałavieku. Takaja kroŭ ciače ŭ žyłach usiaho 8 % ludziej biełaj rasy j 0,3 % azijataŭ.
Štučnaja kroŭ dazvolić zabyć na ŭsie ryzyki kryvi donarskaj. Pacyjent zmoža nie chvalavacca, ci budzie ŭ balnicy patrebnaja jamu kroŭ dy ci nie akažacca ŭ joj raptam virusu hiepatytu ci imunadeficytu.
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje5
Kamientary