U minułym miesiacy paviedamlałasia, što Volvo Cars stvoryć sumiesnaje pradpryjemstva z Geely dla abmienu technałohijami. I voś partniory abviaścili ab farmiravańni dźviuch novych kampanij dla raźvićcia isnych i raspracoŭki budučych rašeńniaŭ, a taksama raskryli niekatoryja novyja detali pahadnieńnia.
Havorycca, što novyja sumiesnyja pradpryjemstvy dazvolać zabiaśpiečyć ekanomiju srodkaŭ za košt pavieličeńnia maštabu pracy, a taksama paskorać praces stvareńnia elektramabilaŭ nastupnaha pakaleńnia.
Sumiesnaje pradpryjemstva, jakoje atrymała nazvu GV Automobile Technology (Ningbo) Co. Ltd., budzie naležać Volvo Cars i Geely Holding u suadnosinach 50/50. Štab-kvatera raźmieścicca ŭ Kitai, a ŭ šviedskim Hioteborhu źjavicca dadatkovy ofis. Kampanija budzie znachodzić najbolš vyhadnyja varyjanty ŭzajemadziejańnia dla Volvo Cars, Geely Auto i LYNK & CO (brend stvorany letaś) u častcy zakupaŭ i technałahičnych rašeńniaŭ.
Akramia taho, budzie sfarmiravanaja asobnaja kampanija LYNK & CO, jakaja całkam adkazvaje za madelny šerah aŭtamabilaŭ LYNK & CO i jakaja naležyć sumiesna Volvo Cars, Geely Holding i Geely Auto. Volvo Cars stanie uładalnikam 30% akcyj LYNK & CO, 50% buduć naležać Geely Auto, a Geely Holding stanie ŭładalnikam rešty, 20% akcyj novaj kampanii.
Treba adznačyć, što Volvo Cars i Geely ŭžo praktykujuć abmien technałohijami. Heta pracuje na prykładzie kampaktnaj modulnaj architektury (CMA). Jana vykarystoŭvajecca ŭ vytvorčaści mašyn Volvo 40-j sieryi, a taksama aŭtamabilaŭ ad LYNK & CO.
Ciapierašniaje partniorstva zabiaśpiečyć hłabalnuju ekanomiju srodkaŭ za košt pavieličeńnia maštabu, spryjajučy bolš ciesnamu supracoŭnictvu pamiž brendami ŭ pracy na supolnych aŭtamabilnych architekturach i pry raspracoŭcy elektraruchavikoŭ. Akramia taho, heta partniorstva dazvolić LYNK & CO całkam realizavać svoj patencyjał.
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać9
Kamientary