Na viciebčuka padali zajavu ŭ SK Rasii za frazu «suprać rašysckaj čumy dapamoža tolki ahoń»
Hramadzianin Biełarusi, niechta Siarhiej Ivanoŭ, napisaŭ zajavu ŭ Śledčy kamitet Rasii na vykazvańnie viciebčuka Siarhieja Siasickaha ŭ sacyjalnaj sietcy fejsbuk.
U pryvatnaści, u adnym z kamientaroŭ Siasicki napisaŭ: «Dapamahaje suprać rašysckaj čumy tolki adzin sposab. Jak i ŭ siarednija viaki — ahoń. U naš čas heta nazyvajecca «Dom prafsajuzaŭ».
Prarasijskija aktyvisty razhledzieli ŭ takoj zajavie Siasickaha zaklik zabivać i palić ruskich.
«Miarkujučy pa ŭsim, pad «Domam prafsajuzaŭ» majecca na ŭvazie trahiedyja, jakaja adbyłasia ŭ Adesie 2 maja 2014, kali prychilniki režymu Jeŭramajdana spalili žyŭcom u centry 48 čałaviek, jakija vystupali suprać nacyjanalizmu i za zbližeńnie z Rasiejaj» - adznačaje vydańnie «Politrinh».
«Naturalna, biełaruski Mininfarm i ministr Lilija Ananič nie ličyć dadzienyja vykazvańni raspalvańniem mižnacyjanalnaj varožaści», — piša šef-redaktar «Rehnuma» Juryj Barančyk.
«Ab vynikach razhladu zvarota vam paviedamiać», — adpisaŭsia SK Rasii Siarhieju Ivanovu.
«Ja niadrenna znajomy z apazicyjnymi kołami i naziraju padobnyja mietamarfozy daloka nie ŭ pieršy raz. Byŭ čałaviek jak čałaviek. Niedurny, byccam by, adekvatny. Razmaŭlali, abmiarkoŭvali niejkija palityčnyja temy. I raptam - praź niekatory čas sutykaješsia z tym, što čuješ niejki idyjocki słenh, ahresiju. Poŭnaja asacyjacyja ź filmami pra virus, jaki pieratvaraje ludziej u zombi. Siasicki — z takich», — napisaŭ prarasijski aktyvist sa Słaŭharada Arciom Ahafonaŭ.
My źviazalisia ź Siarhiejem Siasickim, kab spytać, što jon dumaje pra hetuju spravu: «A što tut dumać? Ja paśmiajaŭsia z hetych durniaŭ — i zabyŭsia. Ja liču, što nijakich nastupstvaŭ nie budzie, bo ničoha kryminalnaha ja nie kazaŭ. Kali ž Śledčy kamitet Rasii ŭsio ž zaviadzie kryminalnuju spravu, to pačnu ich trolić».
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?76
Kamientary