Dziasiatki tysiač čałaviek sabralisia ŭ centry Barsiełony vykazać pratest suprać płanaŭ lidaraŭ Katałonii abjavić pra niezaležnaść paśla niepryznanaha refierendumu, na jakim 90% vykazalisia za adździaleńnie ad Ispanii, piša Bi-bi-si.
Napiaredadni ŭ subotu mitynhi ŭ padtrymku adzinstva Ispanii prajšli ŭ stalicy i inšych bujnych haradach.
Arhanizatary ŭ Barsiełonie nazyvajuć niadzielnuju akcyju mitynham «maŭklivaj bolšaści», jakaja vystupaje suprać refierendumu.
Ludzi, jakija sabralisia trymajuć u rukach ściahi Ispanii i Katałonii i skandujuć: «Słava Ispanii», «Katałonija — heta Ispanija», «Ja ispaniec, ispaniec, ispaniec».
Ludzi iduć, śviščuć, a aŭtamabili sihnalać im u adkaz.
Udzielniki demanstracyi skazali, što vielmi niezadavolenyja tym, jak katałonskaje telebačańnie aśviatlaje pratesty. Pa ich słovach, ranicaj telekanały zamiest mitynhu pakazvali manastyr Monserat.
90% ad 2,3 młn katałoncaŭ, jakija pryjšli na niepryznany i zabaronieny Madrydam refierendum 1 kastryčnika, prahałasavali za adździaleńnie ad Ispanii. Jaŭka pry hetym skłała 43%.
Tyja katałoncy, što vystupajuć za niezaležnaść, lepš admabilizavanyja. Na mitynhi niezaležnikaŭ źbiralisia sotni tysiač ludziej.
Kamientary