Pres-sakratar Ministerstva abarony Uładzimir Makaraŭ apublikavaŭ artykuł «Chto sudzić siońnia biełaruskaje vojska», u jakim rezka adkazaŭ byłomu ministru abaronu Paŭłu Kazłoŭskamu. Toj u intervju «Radyjo Racyja» zaklikaŭ vajskoŭcaŭ bić u zvany i ahałošvać fakty dziedaŭščyny, kab nie paŭtarylisia novyja trahiedyi.
Makaraŭ zapeŭnivaje, što padčas kiravańnia Kazłoŭskaha złačynnaść u vojsku dasiahnuła rekordnaha ŭzroŭniu.
«I tolki paśla spadara Kazłoŭskaha, dziakujučy niejmaviernym namahańniam aficerskaha składu ŭ druhoj pałovie 1990-ch hadoŭ udałosia zabiaśpiečyć radykalnaje źnižeńnie złačynstvaŭ i zdareńniaŭ. Kali ŭ 1994 hodzie kaeficyjent złačynnaści ŭ armii (kolkaść złačynstvaŭ u raźliku na tysiaču vajskoŭcaŭ) składaŭ 10,9, to ŭ 2016 hodzie — 1,58», — śćviardžaje jon.
Pa jaho infarmacyi, kolkaść zahinułych ŭ 1993-1994 hadach pieravyšała 100 čałaviek štohod.
«Tamu varta dać paradu spadaru Kazłoŭskamu — nie treba raić «hrukać» siońnia — heta ŭ bytnaść eks-ministra varta było bić u zvany, kali kožnyja try dni ŭ vojsku hinuŭ biełaruski vajar», — padsumoŭvaje pres-sakratar Minabarony.
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary