«Jedu v mahazin Gucci v Sankt-Pietierburhie. Ona žriet moj ch** kak budto eto burhier» — heta nie parodyja. Heta prypieŭ samaj papularnaj pieśni repiera Fejsa «Burhier». Jana sabrała 8 młn prahladaŭ u JUTubie. Kancert repiera Face, jaki pavinien byŭ prajści siońnia ŭ Minsku, admienieny. Pryčynaj stała papiaredžańnie ad Hienprakuratury, jakoje arhanizatary kancerta atrymali napiaredadni, paviedamlaje Tut.by.
U aficyjnym papiaredžańni adznačana, što «teksty piesień majuć šmat nienarmatyŭnaj leksiki, u ich prasočvajecca adkrytaje hrebavańnie maralnymi i kulturnymi kaštoŭnaściami, pryniatymi ŭ sučasnym cyvilizavanym hramadstvie. Prapahandujecca raspuščanaść u seksualnych adnosinach, hreblivaje staŭleńnie da žančyn, instytutu siamji, škoły».
«Publičnaje vykarystańnie nienarmatyŭnaj leksiki na kancercie ŭ prysutnaści vialikaj kolkaści ludziej faktyčna źjaŭlajecca prapahandaj ździajśnieńnia dziejańniaŭ, zabaronienych zakanadaŭstvam».
Dla kancertnaha ahienctva vyniasieńnie takoha papiaredžańnia aznačaje, što ŭ vypadku praviadzieńnia kancertu arhanizatary buduć nieści adkaznaść — štraf abo administracyjny aryšt.
20-hadovy Face (Fejs) pačaŭ karjeru repiera dva hady nazad, u 2015 hodzie. Svoj pieršy albom jon vydaŭ sioleta, u 2017-m. Ź im jon i pajechaŭ u tur pa Rasii, Ukrainie i Biełarusi.
Novy rasijski rep — heta fienomien, jaki zdabyŭ niemałuju papularnaść siarod moładzi ŭ JUTubie i UKantakcie. Ad pop-muzyki jaho adroźnivaje masavaje vykarystańnie mataŭ sa sceny, a taksama śpiecyfičnaja tematyka tekstaŭ.
Fejs, u pryvatnaści, źniaŭ klipy na svaje pieśni «Ja **ał Tvoju Tiełku», «Mnie Poch**» i «B**** Fejs Vot Ty Fleksiš».
Jahonyja teksty niemudrahielistyja: «Ja nastolko **banutyj, čto ležał v durkie». Krytyčny čałaviek moža skazać, što heta dno. Adnak hutarku VDudia z Fejsam prahladzieli amal 6 miljonaŭ razoŭ.
* * *
Jak pa-vašamu, ci pavinna Biełaruś zabaraniać kancerty takich repieraŭ i nie puskać ich u efir radyjostancyj? Pišycie ŭ kamientach.
Ciapier čytajuć
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra2
Kamientary