Rada Mižnarodnaj fiederacyi chakieja (IIHF) pryniała rašeńnie, što ŭsie čystyja spartsmieny pavinny atrymać prava vystupić na Alimpijadzie ŭ Pchienčchanie. U tym liku na Hulni ŭ Kareju mohuć pajechać i rasijskija chakieisty
Rašeńnie radya było adnahałosnym. Pra heta paviedamlaje pres-słužba IIHF. Pavodle źviestak pres-słužby, napiaredadni vykankama MAK, na jakim budzie pryniata kančatkovaje rašeńnie ab udziele Rasii ŭ Alimpijadzie, IIHF chacieła b padtrymać dopusk na Hulni usich čystych rasijskich spartsmienaŭ.
«My chočam padkreślić našu pazicyju dla MAK: my suprać kalektyŭnaj adkaznaści. Budzie niespraviadlivym karać mnostva rasiejcaŭ, jakija nie majuć da dopinhu nijakaha dačynieńnia », - zajaviŭ prezident IIHF Rene Faziel.
Rašeńnie ab udziele zbornaj Rasii, i ŭ tym liku i chakiejnaj kamandy, na Alimpijadzie 2018 hoda budzie abvieščana 5 śniežnia.
U vypadku, kali MAK vyrašyć nie dapuskać zbornuju Rasii, spartsmieny atrymajuć prava vystupić pad niejtralnym ściaham. Adnak rasijski bok abviaściŭ, što nie maje namieru skarystacca hetym pravam. U vypadku, kali MAK nie dapuścić zbornuju Rasii i ŭ tym liku admovicca puskać na Hulni chakieistaŭ, KCHŁ hatovaja razhledzieć pytańnie ab zabaronie ŭdziełu ŭ Alimpijadzie ŭsich chakieistaŭ Lihi, uklučajučy zamiežnych.
Suprać adchileńnia chakiejnaj zbornaj Rasii vystupili fiederacyi chakieja Kanady, Čechii, Šviejcaryi, Finlandyi i Šviecyi. Adpaviedny list jany nakiravali ŭ IIHF.
Raniej vykazvałasia mierkavańnie, što miesca rasijskaj chakiejnaj zbornaj moža zaniać Biełaruś, što nie trapiła na Alimpijadu, ale maje samy vysoki rejtynh siarod zbornych, što nie jeduć na Hulni.
Kamientary