26 vieraśnia, na piać dzion raniej za zaplanavany hrafik, haścinna rasčyniła svaje dźviery stancyja metro «Kastryčnickaja». Što praŭda, adpracavała jana tolki paŭdnia.
Stancyju metro «Kastryčnickaja» znoŭ začyniajuć. Takim čynam, abnoŭlenaja stancyja prapracavała ŭsiaho paŭdnia.
Pa praspekcie Niezaležnaści jeździać aŭtobusy z abjavami, što stancyja metro «Kastryčnickaja» nia budzie pracavać 27 i 28 vieraśnia ŭ suviazi z praviadzieńniem rehlamentnych rabot, pieradaje«Chartyja-97».
***
Siońnia, na piać dzion raniej za zaplanavany hrafik, haścinna rasčyniła svaje dźviery stancyja metro «Kastryčnickaja».
Na adramantavanaj stancyi mitusiacca zdymačnyja hrupy dziaržaŭnych telekanałaŭ, raschvalavanaje kiraŭnictva Mienskaha metrapalitenu daje interviju.
«Pavažanyja pasažyry! Na stancyi metro «Kastryčnickaja» vysadka…» — zapis u ciahnikach metro abrezali na hetym miescy i pasažyry ŭ vahonach žartujuć, što pasadku jašče nie dazvolili.
Na stancyjach infarmacyja bolš dakładnaja — tut deklarujuć nia tolki vysadku, ale j pasadku. Na adramantavanaj stancyi mitusiacca zdymačnyja hrupy dziaržaŭnych telekanałaŭ, raschvalavanaje kiraŭnictva Mienskaha metrapalitenu daje interviju. Pasažyry ź cikavaściu kruciać hałovy, uźnimajučysia i apuskajučysia na bliskučych eskalatarach.
Adramantavanuju stancyju adčynili na piać dzion raniej. Siońnia źjaviłasia paviedamleńnie pra mahčymaje daterminovaje adkryćcio «Kastryčnickaj» a 15‑1 hadzinie. Ale j tut nie abyšłosia bieź siurpryzaŭ — uračystaści pačalisia na chvilinaŭ 15 raniej.
Dy niadoŭha muzyka ihrała. 27 i 28 vieraśnia stancyja ŭsio ž nia budzie pracavać u suviazi z praviadzieńniem "rehlamentnych rabot".
Daviedka
Rekanstrukcyja pierasadačnaha vuzła na stancyi «Kastryčnickaja» pačałasia 9 červienia. Try staryja stužki eskalatara demantavali, a na ich miesca ŭstalavali čatyry novyja. Pieršapačatkova planavałasia, što rekanstrukcyja pierasadačnaha vuzła budzie skončanaja da 1 vieraśnia. Adnak paśla hety termin pieranieśli na 1 kastryčnika.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ10
Kamientary